د. نبيل القط يحلل ردود الأفعال حول اللفظ الخارج للفيشاوي بمهرجان الجونة
محرر الأقباط متحدون
١٦:
١١
ص +02:00 EET
الأحد ٢٤ سبتمبر ٢٠١٧
كتب – محرر الأقباط متحدون
حلل الطبيب النفسي د. نبيل القط، ردود الفعل والتعليقات على كلمة (خرا) التي قالها الممثل أحمد الفيشاوي، وأوضح أن هذه الردود تدل على الخلفيات السياسية والأخلاقية والنفسية للمعلقين.
موضحًا عبر حسابه الشخصي بالفيسبوك، فمثلاً التقليدين وبتوع أخلاق الأسرة والأخلاق الجماعية اللي شايفين إن الأسرة هي أصل كل شيء صالح أو فاسد، شايفينه ولد قليل الأدب ومش متربي والعيب على أبوه (أي والله كده) اللي معرفش يربيه صح، وممكن حد يجودها ويقولك من شابه أباه فما ظلم.
وتابع، أما المحافظين وبتوع الالتزام والرسميات فشايفينه خارج عن السياق الرسمي لمهرجان فني وطني وانه بظهوره المسيء شوه صورة البلد وصورة الفنان المصري قدام العالم.
أما الليبراليين والحداثيين شايفينه عادي يعني طالما كان في السياق وبيعبر عن رأيه وانه حر في اللي بيقوله طالما مأذاش حد.
وأستطرد، أما البعد حداثيين شايفينه كوول خالص ومبدع وادخل كلمات جديدة في اللغة الرسمية وان بكده كلمة ( خرا) دخلت قاموس المصطلحات الفنية والنقدية.
مضيفًا، والمتمردين والأناركيين واللي واخدين موقف جذري من النظام فشايفينه كان أمين مع ذاته تماما وعبر عن رؤيته العميقة للمشهد ( الخرا) اللي احنا عايشين فيه على بعضه، واخيرا التقنيين اللي بيدوروا عن الأسباب اللي بتقف وراء الظواهر مَش معانيها العميقة وأبعادها النفسية او السياسية فشايفينه ببساطة كان شارب او مبرشم وبيخطرف في الكلام.
الكلمات المتعلقة
