بقلم : نشــأت عــدلي
كفاية بكا كفاية دموع
كفاية بقي
كفاية عيونا دابت حزن
وقلوبنا ماتت من الحزن
دمار وحرب وقتل واغتصاب
البلاد كلها عايشة في عذاب
كل خبر نلاقي وياه دموع
كلام خلي القلب موجوع
تعبنا ألم وتعبنا وجع
تعبنا من كتر السمع
ابعدي بقي ياايام بألامك
ورجعي لينا راحة البال
وورينا حلاوة أيامك
أيامك الحلوة اللي كانت
أيام الصحبة الحلوة اللي مادامت
أيام الضحكة البريئة اللي من القلب
أيام الحب والصفا اللي كان جوة القلب
ترجع تاني لمة الصحاب والاحباب
نحضن ولادنا وجيرانا وكل الصحاب
كفاية بقي
تعبنا غربة وتعبنا من التعب
تعبت قلوبنا علي قلوبنا
تعبنا أنين وفراق عن اللي بنحب
لمي الشمل وكفاية
أمانة عليكي كفاية
هاتي القلب علي القلب
وحطي الحب علي الحب
هاتي الأمل المكنون
حطي الفرحة جوة العيون
هاتي الضحكة علي الشفايف
والكل يهتف انه بعيونه شايف
