6 خطوات تحمي طفلك من التحرش.. تعرفي عليها

كتب - نعيم يوسف
قدمت الدكتورة سيهار صلاح الدين، المتخصصة في علم النفس والإرشاد النفسي والتربية، 6 نصائح لحماية الأطفال من التعرض للتحرش، وذلك بعد عرضها لحالة تحرش من قبل شخص بالغ بطفلة عمرها 6 سنوات.

وعرضت "صلاح الدين" نصائحها عبر صفحتها على موقع التواصل الاجتماعي "فيسبوك"، وهي كالأتي:

1- الاتفاق مع الطفل قبل النزول على الاستمرار مع والدته دائما، وأن تحافظ والدته عليه في صحبتها مهما صرخ أو اعترض.

٢- توعية الطفل باستمرار وعدم الملل بهذه النصائح: "محدش يلمسك خالص.. لو حد غريب لمسك صوت واصرخ وزقه تعالي قول لماما او اي حد كبير.. عرفية الأجزاء الخاصة في جسمه وان محدش ينفع يشوفها ولا يلمسها.. لازم تدافع عن نفسك لو حد ضايقك.. متخافش لو حد ضايقك تعالي قولي.. ماما وبابا بيحبوك وهايدافعوا عنك.. جسمك دا ملكك لوحدك محدش من حقة يلمسه.. محدش يحضنك من قدام او من ورا ولا تقعد علي حجر حد".

3- ضرورة الحفاظ على صداقة بين الأم وطفلها، "علشان مايخافوش يقولوا لنا أى حاجة وكل حاجة مهما كانت".

٤- عدم الضغط علي الطفل لإرضاء الكبار، مثل الضغط عليهم في السلام على الكبار، أو احتضانهم وتقبيلهم، مؤكدة: "احسن انه يتقال علي أولادك مش متربين من أنهم يتعرضوا للتحرش. انا مع احترام الطفل للكبار بس برضة مع احترام الكبار للطفل".

5- يجب تعليم الطفل 3 خطوات عند التعرض لمضايقة أو تحرش، وهي: "أولا: يقول بصوت عالي جدا: (مبحبش كدا) ودربية عليها علشان لما تسمعيه بيقولها تفهمي فوراً إن في حاجة. ثانياً: تانى إجراء لو اللي قدامه مبطلش بعد ( مبحبش كدا) ولسة بيضايقة وهيمد ايدة بأي صورة انه يمسك ايدة ويصرخ بصوت عالي ( لااا) ثالثاً: والإجراء الأخير لو لسه المعتدي سواء كبير أو صغير مبطلش إن الطفل يجري بسرعة علي أول شخص كبير ويقوله".

6- الشك باستمرار في من يمكن أن يتحرش بهم وأين، ويجب الالتزام بالنصائح التالية: "ولادك مايلعبوش عند الجيران... لو جالك ضيف يبات ولادك يباتوا جنبك علي الأرض و لا في اي حتة بس لازم معاكي في الاوضه.. طفلك مايبتش برة البيت تحت أي ظرف او أي عند حد مهما كان.. الرجالة بتتحرش بأطفال صبيان زي ما بتتحرش بالبنات عادي جداً. وبرضة في ستات بتتحرش بستات".