نسور وعبور
فادى ثروت مرتضى
٤٠:
١١
ص +02:00 EET
الاربعاء ٤ اكتوبر ٢٠١٧
شعر فادى ثروت مرتصى
اسمع ياويلد الويلد يا اجمل حفيد
من جدك الراجل العجوز اللى كلامه مفيد
أناحضرت النكسة والنصر المجيد لكن ايام ما كنت شديد
عن يوم ما حولنا النكسة لعيد وفخر جديد
ويوم ما السادات قرر ينفذ الوعيد
العزم والاصرار زادوا فى دمى عدوا الوريد
خلوا جيشنا اقوى جيش خلو جيشنا من حديد
بس كانت فترة صعبة واحنا كنا فيها نشكر
والسادات كان كل يوم يطلع يقول شدوا الحزام اكتر واكتر
واحنا ساعة الحرب مكنش على لسانا غير كلمة الله اكبر
وعن يوم ما عبد الناصر طلع وقال كفاية مش قادر
أخدونا غفله والعدو كان غادر
وعن يوم ما عبد الناصر قرر يأمم قناة السويس
وعن يوم ما تخلى عبد الناصر عن منصبة كرئيس
الكل هاج والكل قام والبلد اتملت جواسيس
وماكنش فيه لا تويتر نشكى فيه و لا حتى فيس
وعن يوم ما كان النصر شوق دلوقتى النصر رافع راسنا فوق
وعن العرض العسكرى لما الارهاب خلى السادات بطعم الدم يدوق
لكنه برضة لحد يومنا رافع راسنا فوق
وعن حبة الميه ساعة الحرب هدوا ساتر منيع
خلت كل الناس تعجز عن الكلام زى الطفل الرضيع
خلت كل الناس تعجز عن الكلام زى الطفل الرضيع
وعدينا وعبرنا وجبنا النصر لحد دارنا
وعن أجمل فرحة ومين كان قدنا فى فرحتنا
وسألنى حفيدى طب وانت اية كانت شغلتك فى الحرب ديه
حبيبى جدك كان اول جندى يطلع بطيارته فى الضربة الجوية
التكتيتك كان مظبوط والوقت بالثانية والخطة كانت بالتمام
ان احنا هنعدى وهنعبر هو كان الاهتمام
وعشان هنوصل للهدف ياترى هيموت من جيشنا كام
وكل ده لازم يتنفذ من غير ما حد يسمع بالكلام
والسادات نفذ ده كله بالتمام وعشان كده خد نوبل فى السلام
وخلصت الحدوته يلا خش نام
ودخل الطفل ينام فى الفرشة لوحده فى سلام ووئام
وأنا لوحدى فى السقعة سرحت فى الاوهام
يامصر يا ام البلاد لية سيبانة نتعذب
ماشيين في سكتنا ومعظمنا بيتغرب
نسينا وطنيتنا والانتماء بيتسرب
حالف يابلدي لعليكي واخليكي اعلي البلاد عندي
بس مقدرش اخليكي فوق وارفعك وحدي
شايلك يابلدي علي كتافي وماشي حافي
والناس بتتفرج ومش راضية تساعدني
حالف يابلدي لنسيكي ظلم وعذاب سنين عدت
ووريكى ورد الجناين اللى نوره انطفى ودبل لاجلك
يامصر يا احلى البلاد قمرين ويامصر يا اغلى اليلاد شمسين
واكتب اسمك فى كل مكان من مرة لمليونين
وارسم بأسمك اجمل كلام على الخدين
وانسى ولادك قسوتك عليهم ما انتى كتير جيتى عليهم ظلمتيهم
بس مش تخافى أنا هرجع انتمائهم علشان تعيشى وسطيهم وافكرهم حاجات حلوة كتير فيكى نسيوها
نيلك يامصر اللى فى عطشى بيروينى
وبأهراماتك عجب فى حزنى ينسينى
بس أوعاكى تستغلى فى يوم حبى ليكى بانك تظلمينى
يا بلدى انا لوهاين عليا امسح جزم ولادك نعل نعل
ولا انى اعيش فى غربة بظلم وجهل
وانا هبتدى من النهاردة وكلامى ده كله مش قواله
مش عايز اشوف من النهاردة ناس بتجيب غداها من الزباله
