بالفيديو.. عائلة مصرية تطارد مجموعة خطفت شاب سوري

كتب - نعيم يوسف
قامت عائلة مصرية بمطاردة مجموعة أشخاص، حاولوا خطف شاب سوري، وصوروا عملية المطاردة، ونشورها على موقع التواصل الاجتماعي "فيسبوك"، الأمر الذي حظي بكثير من الإشادة والمشاركة.

وروت "يارا علاء الدين"، في منشور لها عبر موقع التواصل الاجتماعي وقالت: "مكنتش اتخيل ان ممكن اتحط فى الموقف ده كنت انا و ابنى و امى و ابويا و اختى فالعربيه فى شارع حسنين هيكل عند العطار الهنديه لحظت عربيه سايقها واحد ملثم و حد عمال يرفس فى العربيه على الكنبه بلمح البصر والدى ابتدا يجرى ورا العربيه".

وتابعت: "وابتديت اصوت عشان الفت نظر الناس تساعد اننا نمسك الناس دول شباب ابتدت تجرى وراهم و واحد بمتسكل حاول يلحقهم بس داسوا عليه الحمد الله ربنا قدرنا اننا نمسك الناس دول ورا السلاب الولد المخطوف كان شاب سورى بس انا كنت فكره ان بنت و بغض النظر عن الاصبات الحصلتلى انا و ولدتى و العربيه لان قاعدنا نخبط جامد فى العربيه فضلنا واقفين لحد ما البوليس جه و قولنا اقولنا و اتطمنا على الولد و بمساعده ناس و شباب كتير اوى جريوا ورا الملثمين و مسكوهم و اخدوا علقه محترمه اللى عايزه اقولوا ان البيتخطف مش بس بنات لا ده كمان شباب خدو بالكم من نفسكم متامنوش لحد على اد ما فى اكيد ناس كتير اوى كويسه مع الاسف المش كويسين كتير برده ربنا يحفظ الجميع"، لافتة إلى أنه كان بحوزتهم حقيبة بها مخدر.