د. نبيل القط يشرح سر صمت ضحايا الاغتصاب ويعرف "الشلل المتوتر"

قال د. نبيل القط، الاستشاري النفسي، ليه كتير من الستات والبنات مبيقدروش يدافعوا عن نفسهم لما بيتعرضوا للاغتصاب؟ لأن اغلب اللي بيتعرضوا للحوادث دي بيتعرضوا لحاجة اسمها الشلل المتوتر tonic paralysis وهو نوع من الشلل المؤقت أحيانًا بيشل حركة المرأة تمامًا وأحيانًا يمنعها كمان أنها تصرخ طلبًا للمساعدة".
 

وتابع القط موضحًا عبر تدوينة على حسابه بالفيسبوك، الشلل ده بيحدث بشكل أساسي في الاعتداءات الجنسية وأحيانًا في الاعتداءات غير الجنسية، لكن بيكون حدوثه في الاعتداءات الجنسية ضعف حدوثه في أنواع الاعتداءات الأخرى، ووجد العلماء كمان إن الشلل دة لما بيحصل بتكون الفرصة اكبر إن الضحية تعاني من اضطراب الصدمة PTSD والاكتئاب أكثر من غيرهم، وطبعًا دة لأن الستات بيلوموا نفسهم على حاجة هما مالهمش يد فيها".
 

مستطردًا، لو نفتكر فاتن حمامة في فلم الحرام لما كانت بتلوم نفسها ليه مقاومتش واللي انتهى بموتها طبعًا، كمان لقي العلماء إن الشلل المؤقت ليه وظيفة تطورية جاية من أسلافنا واحتمال من قبل أسلافنا، بمعنى انه بيحمي حياة الضحية لأنهم اكتشفوا إن النساء اللي بيقاوموا الاغتصاب بيكون احتمال موتهم أعلى من احتمال نجاة اللي بيحصلهم الشلل المتوتر وده بيخلينا نكون متواضعين وحنيين شوية على البنات لما يتعرضوا لاعتداءات جنسية ونقعد نلومهم ونقلوهم مادفعتيش عن نفسك ليه وكان لازم تدافعي عن نفسك".