صلاح : وقت الإجازة لازم الواحد يقرب من حبايبه

 كتب : محرر  الأقباط متحدون الرياضى

تواصل النجم المصري محمد صلاح المحترف في صفوف فريق ليفربول الإنجليزي  مع عدداً من أصدقائه بالمنتخب الوطني منهم عمر جابر وأحمد حسن كوكا ومحمود تريزيجيه وأحمد الشناوي من خلال بث مباشر بالأمس عبر حسابه الرسمي على إنستجرام.

وظهر صلاح في أحد الأماكن يظهر في خلفيته سقوط الثلوج قائلا "أنا هنا عشان أريح دماغى شوية وحشني يا تريزيجيه كان نفسي أكون في المعسكر عشان خاطرك أنت بس قولت أجى مكان اتبسط فيه كما داعب صلاح أحمد الشناوي حارس مرمى الزمالك قائلا أول مرة من 6 سنين الشناوي يكون لوحده في المعسكر بس هو خايف يكتب هنا عشان إحنا زعلانين من بعض".

وحول رأيه في تى شيرت المنتخب بكأس العالم قال صلاح والله العظيم ماشوفتهوش لسه لحد دلوقتى وردا على أحد المتابعين، لو أضاع ركلة الجزاء أمام الكونغو قال صلاح كان زمانك أصلا مش بتكتب ليا دلوقتى مضيفا وقت الإجازة لازم الواحد يقرب شوية من حبايبه .