بقلم: توماس بشاي
لما تدخل الجناين و تلاقي بس وردتين
يبقي لسه فيه امل
و لما تطلع للشوارع و تلاقي بس ضحكتين
يبقي لسه فيه امل
و لما تجري في السما و تنزل تلف علي البحور
يبقي لسه فيه امل
و لما تصحي من الضلام و تطلع برا تلاقي نور
يبقي لسه فيه امل
الحياه مش دقن ماشيه تخوفك
الحياه يعني قلم
الحياه الفكر فيها اللي بيكسب مش سلاح
يعني ايه شويه الم
يبقي الرصاص اللي اتحفر
يعني الفكر اللي انتصر
و يبقي لسه فيه امل
