أنا الكنيسة
مرقس كمال زاخر
٤٧:
٠٥
م +03:00 EEST
الأحد ٢٤ ديسمبر ٢٠١٧
بقلم : مرقس كمال
الكنيسة طول عمرها ييجى أكتر من ألفين
حرقوا فيها وكسروها وقتلوا ياما قديسين
معلش أصل القلب أعمى والعقول مضحوك عليها
والكنيسة فضلت عايشة شوفوا اللى حاربوها فين ؟
فَجّر فى الحيطان وإفرح إحرق ورينى إيمانك
بُص جواها هتلقى قلوب وبتصلى عشانك
عارفين إنك أعمى وتايه فى إحتياج تشوف النور
ساعتها بس تسيب سلاحك ساعتها هتغير مكانك
الكنيسة جوه قلبى إيمانها زى الصخرة ثابث
علمتنى أحب وأفرح دُوبت فيها وفىّ دابت
قالت لى هتلاقى اللى يقتل واللى على جسدك هيقدر
بس على روحك ما يقدر وزى غيرها محاولة خابت
قلبى واثق إن ربى حافظ بلدى والكنيسة
هو قال لى إن نفسى غالية عنده مش رخيصة
بكرة ممكن يبقى أصعب ممكن الشدة تزيد
إحرقوا كُل الكنايس بس إفهموا أنا الكنيسة
