بقلم: توماس بشاي

 يا بهية مين دَوْرعليكي
جوه الكنايس و الجوامع
جوه قلب كل مصري
يا تري كان هيلاقيكي
يا بهية مين حس بيكي
خاف عليكي
مين فاضيلك
و لا فاضي لعشق نيلك
الكاميليا و العبير
و السواد في الضمير
غمي عينا
هد كل الحب بينا
يا بهية مين بيدور عليكي
احتمال
الاجابة علي السؤال
تطلع مفيش
مين من ولادك يا بهية
مش عايز قلبك يعيش
امتي هاندور عليكي
هما كانوا في الميدان
احلي اخ في حضن اخوه
مين من ولادك يا بهية
حاسس انك مراة ابوه