بقلم: مهندس عزمي إبراهيم

(بطـل كنيسة القديسين بالإسكندرية)
كتبت صباح أول يناير 2011 إثر الحادث الإرهابي على كنيسة القديسين بـ"الإسكنرية"، عند نهاية الاحتفال بقداس رأس السنة بها:

عفــارم عليــك يا بَطــَـل
برافـــو عليــك يا شـَهـْـم
كان نفسي أحييك بإسمك
لكــن... ما لكـشي إســْـم
***
قتلـت طفــــل بــرئ وسَرَقت الحياة منــُّه
وقتلت كهـل عجـوز بلا احتــــرام سِـنــُّه
وقتلــت أم وأب، يتـِّمـْـت أطفالـهم
دا غير شباب وصبايا
قتلتـهم
وقتلـت آمالـهم
***
قتلـت كاهــن بيرشــد ويعلــِّم الأخــلاق
قتلتــهم في سـاعة ما بيعبـدوا الخــَـلاق
لا كان في إيدهم سلاح
ولا بيهتفـوا بالحــَـرْبْ
لكـن في إيدهـم شمـوع
بيبخـــروا... للـــــرَّبْ
بيرتلـوا للســلام
ويبشروا بالحـُـبْ
***
عفـارم عليـك يا شـَهـْم
يللي.. ما لكـشي إســْـم
ما لكشي إســـم عشـان
في الأصـل انت جبـان
***
كانــوا بيسجـدوا للــــه الواحـــد الرحمـــان
قضِيت عليهم في لحظة، يا كــاره الإنســان
العـار عليك يا نــدل، العـار عليك يا جبـان
مش عايز أقـول إنسـان
مش عايز أقـول حيوان
مش عايز أقولها عشان
إهـانـــــــة للحيــــــوان
***
ضحكوا عليك تجــــار السمـــوم والــــــدم
ضحكوا عليك سماسرة خلطوا الديانة بسـم
وَعـَدُوك حتروح السما تبقى بطـَـل وشهيـد
وحيبقى يومـك هناك يــوم احتفـال أو عيـد
وفي انتظارك حـور النسـا وغُلمـان
في حـُرمة الجَنـَّة وقـدام عيـون اللـه
ترضي شَهَـوات حَيـَوان
قالــولـك إن هنــــاك للشـهوة بـاب مفتـوح
حتى الشذوذ مسموح
***
وصَدَّقتهم يا حمار
يا لعبــة السمسار، يا إصبـع الأشــرار
وأسهـل وسيــلة لأسـوأ التجـار
***
يا مـدَّعي الإيمــــان
لو رحـت للرحمـان
تقــف أمامـه إزاي ودم الأبريـــاء في إيديـــك
واللــه بعدلــه وجلالــه إزاي حيرضى عليــك
قتـلـت من غيــر سبب خَلـْقـــُه وصُنـْـع يديــه
ضحكوا عليك السماسرة وجاي تضحك عليـه
وتقـول بتؤمـن بيـه!؟ُ
***
مش انت بس جبـان
اللي زقــــَّــك كمــان
مسَـمــِّـم الأديـــــــان، ومضلــِّــل الشُبــّــان
حاقــــد على الإنســان ومقسـِّــم الأوطــــان
عايش في برج العـاج أوفي جُحـْـر فيــران
هربــان كما التِعبــان
***
خـــَـــدَّرك بكــــــلام أكاذيـب على أوهــام
ودفعَـك على الإجـرام
أما انــــت ياخيبــــان
مـُـت، لا انـت شهيـد ولا حتلــــقى العيــــد
واللــــــه حيستقبـــلك يشـويك بنـار وحديـد
العـــار عليك ياجبـان

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :