الرئيس: لن اسمح بالإساءة للجيش والشرطة.. الناس دي بتموت علشانكوا

قال الرئيس عبد الفتاح السيسي، خلال افتتاحه مشروع مدينة العلمين الجديدة، أنا عايز أقول أن الجيش والشرطة اللي هما المصريين بيسقط منهم شهداء منذ أكثر من 4 سنوات، ولا يليق أن يُسمح بالإساءة لهم، وهذا ليس فقط دور الإعلام بل دور كل الأجهزة، مشددًا لا تسمحوا بالإساءة.
 

وأضاف الرئيس، أن من يسيء إلى الجيش والشرطة هو بالنهاية يسيء إلى كل المصريين وهنا مبقتش حرية رأي بقى، لا دي مش حرية رأي، موضحًا أن هناك فرق بين وجهة النظر وبين الإساءة والتخوين.
 

وتوجه الرئيس للقيادات بجواره، "لا دة كلكوا تتصدوا بقى مش أنا، يعني انهاردة لما أم تقدم ابنها أو جوزها شهيد يبقى دة جزاءهم؟ أو المصابين اللي في منهم هيقضي بقية حياته قعيد طول عمره عشانك أنت".

 

وشدد، يبقى في إجراءات قانونية، محدش يسيء للجيش أو الشرطة وأنا موجود هنا، والله العظيم مش عايز أقول أنا بس اللي عارف الجيش والشرطة عملوا إيه وقدموا إيه في السبع سنين اللي فاتوا.. ومش هقول التاريخ هيسجل بأحرف من نور، لكن هقول أجرهم عند الله".

وأضاف، "الإعلام يروح الجبهة ويصور وياخد الناس ويشوفوا الناس بتعمل إيه وبتموت إزاي، الناس دي بتموت علشانكوا أنتوا، ولا يليق الإساءة لهم ولن نسمح بها".