د. خالد منتصر ينشر لقطات من "الإعلام الترامادولي"

نشر الكاتب والإعلامي د. خالد منتصر، فيديو به سيدة تعرف بأنها متخصصة في علم الطاقة، وتتحدث عن كيفية التخلص من الهالة، وسط تعليقات تبدي عدم فهمها للأمر برمته.
 

وعلق منتصر، "إحنا عدينا البراميل بمراحل وتجاوزنا المياه الإقليمية للهطل بآلاف الفراسخ !! دي أهم قناة متشافة في مصر ودول بيشرحوا لك ازاي تتحكم في الهالة!!

 

وسخر منتصر في تدوينة على حسابه بالفيسبوك، "دي طبعًا غير هاله صدقي وهاله فاخر !!
 

وأضاف مستنكرًا، هالة الطاقة دي حضرتك عشان تخزنها لازمن ولابد تلزق سقف حلقك بلسانك عشان ايه ربنا يعزك؟، عشان تقفل الغدة النخامية!!، برغم ان الفاصل ما بين اللسان والغدة النخامية فيه عضم وأنسجة وحاجات كتير بس الست الخبورة أفهم مننا وعارفة إن الغدة النخامية ممكن تتقفل بلزق أمير أو باللسان مش مشكلة!
 

واستطرد بقوله، طب بنقفل النخامية الرذلة دي ليه؟!، عشان هي متوصلة لامؤاخذة بخرم الكون اللي في سقف دماغ سيادتك!، وخرم الكون ده مختلف عن خرم الأوزون وممكن ينفس ويسرب غاز والفاتورة تيجي عالية!!، المهم عشان الهاله ماتتسربش وتسرسب من بين إيدينا زي السنين ما اتسرسبت في ليالي الحلمية لازم تقفل ايديك وانت بتتكلم!
 

واختتم منتصر تدوينته بقوله، لقطات من الاعلام الترامادولي.