شريهان تحتفل بعيد ميلاد نجلتها «لؤلؤة»: «فخورة بيكى»

 

ونشرت شريهان عدة صور تجمعها بابنتها منذ طفولتها وحتى الآن، وعلقت عليها قائلة: «يا أغلى حلم أصبح أعظم وأجمل حقيقة فى عمري، زى النهارده حبيبتي فى تمام الساعة الثانية وخمس وأربعين دقيقة ظهرًا، خرجتى من روحى وقلبي ودمى، خرجتى تنورى حياتى».

 

وتابعت: «الحقيقة يا لؤلؤة إن كل يوم بيمر عليا أنا بولدك من قلبى تانى، بشكر ربى سبحانه وتعالى، بشكر والدك على كل شىء، بشكر عائلة الخواجة، وبشكرك إنتي يا لؤلؤة، بشكرك على وجودك في عمري وكمان تعبكم جميعًا معايا».

 

واختتمت: «فخورة فخورة بيكى حبيبتى، وراسي بيكى مرفوعة لسابع سماء، واعرفى حبيبتى إن النهارده 22 أبريل مش يوم ولادتك إنتى، ولا هو يوم عيد ميلادك أبدًا!! النهارده حبيبتى كان يوم ولادتى أنا بيكى من جديد، ويوم عيدى أنا يا بنتي وصديقتى وحبيبتى، ربى يديمك إنتى وشقيقتك عليا نعمة، أمك بتحبك وراضية عنك».