غضب بين رواد "السوشيال ميديا" بسبب عدم الاستعداد للأحوال الجوية السيئة

أثار تعطل وتوقف الطرق بسبب الأحوال الجوية السيئة، غضبا كثيرا لدى النشطاء ورواد مواقع التواصل الاجتماعي، خاصة لعدم وجود استعدادات من قبل أجهزة الدولة لمثل هذه الطوارئ.
 

وقال "أيمن مصطفى"، أحد النشطاء على مواقع التواصل الاجتماعي: "لما افضل واقف عالدائري من الساعه ٩ لغايه ٤ الفجر انا وكل الناس دي اللي منهم حد مريض واطفال صغيره وبنات يبقي دي مهزله . لما الناس تكسر الحواجز اللي بين الطريقين بعد ٧ ساعات بؤس ومش لاقين حد يسأل فيهم ونلف ونرجع ومنعرفش نروح بيوتنا يبقي دي مهزله".
 

وأضاف: "لما اشوف راجل كبير جنبي مريض سكر وكل شويه يتزنق وينزل يجري فالشارع عشان يصرف نفسه قدام ولاده ومراته تبقي مهزله .. لما ملاقيش مسئول واحد يتحاسب علي الضرر اللي طال كل الناس دي تبقي مهزله".