بيومي فؤاد يستنكر إفطار البعض بنهار رمضان: مفيش حاجه في الدين أسمها أنت حر وأنت مش حر لأنك بتضر مجتمع بأكمله

 

تساءل الفنان بيومي فؤاد عبر صفحته بالفيسبوك، "هو أمتي بقى عادي أن نص البايعين فاطرين وبكل جراءة بيطلبوا من الناس في البيوت ميه ساقعه!!
 

وتابع في تدوينته مستنكرًا إفطار بعض الناس بالشارع، قائلاً: هو من أمتى بقى العادي أن السواقين يمشوا يشربوا سجاير وشاي في نهار رمضان!!

 

ومن أمتى بقى الطلبه اللي رايحين يمتحنوا بيفطروا ويقولك عشان أعرف اركز في الإمتحان ثم أنا على سفر وبركب مواصلات كتير!!

 

لأ حقيقي إحنا وصلنا كدا أمتى ؟! 

 

الجهر بالمعصية والتجروء على أوامر الله بقى عادي ؟!
 

واستطرد قائلاً: نسيتوا قول رسول الله.. " كل أمتي معافى إلا المجاهرين"، أقولكم أنا من أمتى من ساعة ما طلع فئة من الناس تقول كل واحد حر دا حسابه عند ربنا ونسيوا قوله تعالى: كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ

 

وتابع بقوله، زمان مكنش حد يقدر ياكل ولا يشرب في الشارع زمان لما كانت الناس بتعترض وتنصح بشده مش بتقول كل واحد حر هو حر في نفسه لكن مش حر يعمل كدا قدام الناس وكل واحد سايبه في حاله وبيقول للي بيتكلم هو حر حسابه عند ربنا، فاللي كان بيستخبى يطلع بعين جريئه ويعمل زيه ماهو لاقي اللي بيدافع عنه.

 

وشدد فؤاد قائلاً: ما فيش حاجه في الدين أسمها أنت حر ، أنت حر مالم تضر ، فأنت مش حر لأنك بتضر مجتمع بأكمله، وكل سنه البجاحه بتزيد ياريت الناس بتاعت حسابه على ربنا يرحمونا لأنها خربت بسببكم..

 

واختتم، الرقاصين والشواذ والعرايا واللي بيتباهوا بالمعاصي زي سينجل مازر وغيرها خلوا المجتمع مريض لا عنده دين ولا مبادئ ولا حتى حياء، ارحمونا أحنا نزلنا تحت القاع بأمتار.