5 مشاهد إيجابية من مصر

إعداد وتقديم – أماني موسي
عرضت أماني موسي، مقدمة برنامج "صباحك قشطة" 5 مشاهد إيجابية من مصر.

المشهد الأول: سائق أوبر
النهاردة طلبت اوبر ياخدني من الشغل لحد مول مصر، و طلبت منه اننا هنعدي على ٣ بنات ناخدهم في الطريق.. و بعدين طلبت منه ناخدهم من عند بيوتهم "علشان هم طلبة و صغيرين مايمشوش في الشوارع لوحدهم"
سألني: هو حضرتِك مُدرّستهم؟
- اه
- و واخداهم تفسحيهم؟
- اه.. اصلهم جابوا درجات حلوة في الاعدادية ف هحتفل بيهم
- هو لسة فيه حد بيعمل كدة في الزمن ده؟!

بعد ما وصلنا مول مصر، مارضيش ياخد ولا مليم! و صمم ان التوصيلة تبقى على حسابه احتفالًا بالبنات و بارك لهم و صمم ماياخدش حق التوصيل مع إنه كان مبلغ محترم!

المشهد الثاني: الحماية المدنية تنقذ قطة من عامود كهربا بالغردقة
لفتة إنسانية فاجأتنا بها قوات الحماية المدنية فى الغردقة، عندما أسرعت فى إنقاذ قطة صغيرة علقت فى حفرة تحت أحد أعمدة الكهرباء.

الواقعة بدأت عند مرور المحامى مايكل زكى بمنطقة حى الكوثر فى مدينة الغردقة أثناء عودته من عمله، وتناهى لسمعه صوت قطة صغيرة، استنتج من موائها أنها تستنجد لإنقاذها، فتتبع الصوت فوجد قطة صغيرة عالقة فى أحد أعمدة الكهرباء.

يسرد مايكل فى اتصال هاتفى، محاولاته المستمرة لإخراج القطة لكنها باءت جميعها بالفشل، بسبب بُعد المسافة وضيق الفتحة التى تم تتجاوز 10 سنتيمترات، وهو الوقت الذى قرر فيه الاتصال بقوات الشرطة لطلب مساعدتهم، حتى وإن كان غير متأكد من رد الفعل.

"الشرطة محترمة جداً واهتموا بالموضوع" هذا ما قاله المحامى، مشدداً على أنه تفاجئ برد الفعل السريع، وأكد أن الشرطة سارعت بالتواصل مع الحماية المدنية لحل الأزمة.

10 دقائق هى المدة التى استغرقتها قوات الحماية المدنية بالغردقة ومعهم عربة تابعة لإدارة الكهرباء، للوصول للمكان المحتجزة به القطة، وبدأوا باتخاذ الإجراءات اللازمة لإخراجها من الحفرة، وبدأت الإجراءات بقيام الرجال التابعين لشركة الكهرباء بقطع التيار عن المنطقة، ومن ثم تولى رجال الحماية المدنية الموقف وتوسيع الفتحة وتمكنوا من إخراج القطة الصغيرة، وسط فرحة عارمة من المارة وتجمع عدد من الأجانب فى المنطقة.

الموقف لم ينته عند إخراج القطة من الحفرة، بل حدث أن تبنت إحدى السيدات الألمانيات مقيمة فى الغردقة القطة، لترعاها فى منزلها مع بقية حيواناتها الأليفة.

المشهد الثالث: علا غبور مؤسسة مستشفى السرطان 57357
رموز لا تموت فى تاريخ 57357
فى ذكرى رحيلها
السيدة علا غبور.. وهبت حياتها لخدمة مرضى الأورام
السيدة علا غبور هى أمين عام مؤسسة مستشفى سرطان الأطفال سابقا , وواحدة من الذين قام هذا الصرح على أكتافهم , بدأت رحلتها فى خدمة مرضى الأورام فى أوائل التسعينات بمساعدة مرضى السرطان في المعهد القومى للأورام، وساهمت فى تأسيس جمعية أصدقاء المبادرة القومية ضد السرطان (جمعية أصدقاء معهد الاورام سابقاً) التى تولت تأسيس مستشفى 57357 أكبر مستشفى لسرطان الاطفال فى الشرق الاوسط ، وعقب إنشاء المستشفى تولت السيدة علا غبور منصب أمين عام مؤسسة مستشفى 57357 , وكرست وقتها وجهدها لخدمة هذا الصرح العظيم وتطويره وخدمة مشروعاته التوسعية .

و قد شملت أنشطتها العديد من المؤسسات الخيرية مثل مساعدة الأطفال ذوى الاحتياجات الخاصة، و مستشفى أبو الريش للاطفال ، ومؤسسة سرطان الثدي في مصر، ومؤسسة مجدي يعقوب للقلب.

وبعد أن وهبت جزءاً كبيراً من حياتها لمرضى الأورام .. شاء القدر أن تصاب بالسرطان فى الرئة .. وألا يتم إكتشاف المرض إلا فى مراحله المتأخرة لتغيب عن الدنيا بعد رحلة علاج قصيرة ..

المشهد الرابع: عميد طب طنطا: إخراج سيخ من رأس طفلا استغرق 6 ساعات والعملية نجحت بتوفيق الله
قال الدكتور أمجد عبد الرؤوف، عميد كلية طب طنطا، إن نجاح فريق الأطباء فى استخراج "سيخ حديدى" من رأس طفل بعد عملية جراحية دقيقة استمرت لأكثر من 6 ساعات لم يكن الأول لهذا الفريق الشاب، موضحاً أنه تم إجراء عدة عمليات مثل زرع يد كانت مبتورة لأحد العمال ونجحت العملية وغيرها من العمليات الأخرى، وتابع:"السيخ اخترق الجمجمة ومر فى أماكن ليست خطرة وهذا توفيق من ربنا وإرادته فى أن يكتب لهذا الطفل الاستمرار فى الحياة والتوفيق للأطباء".

وأضاف "عبد الرؤوف"، خلال اتصال هاتفى ببرنامج "العاشرة مساءً"، الذى يقدمه الإعلامي وائل الإبراشى، قائلاً:" تحية للفريق المدنى الذى لم يعبث بالسيخ ولم يحاول استخراج هذا السيخ، وتابع:"لو حدث ذلك لمات الطفل فى الحال نظراً لحدوث نزيف داخلى..يا ريت أى شخص يجد أى جسم اخترق مصاب لا يعبث به ويحاول استخراجه ويترك ذلك للأطباء".

واستكمل حديثه قائلاً:"هناك عدة عمليات ناجحة مثل عامل قطعت يده بصاروخ وكانت معلقة على جلده ولكن الفريق الطبى رفض بتر اليد وعكف 11 ساعة فى غرفة العمليات لعمل زراعة لليد..ونجح  فريق جراحة الأوعية الدموية فى العملية والآن العامل يحرك يده".

المشهد الخامس: الرفق بالحيوان
تجربة جديدة من نوعها ومفاجأة سارة جدا وانا داخلة كالبتال بيزنس بارك فى زايد لفت نظرى فورا رجلين الكلب اللى بيستخدموه فى التفتيش . مكنتش مصدقة نفسى ان فى شركة حراسة فى مصر فعلا فكرت وعندهم احساس وانسانية ولبسوا الكلب واقى لرجليه من سخونة الاسفلت فى الصيف . والله اتسمرت مكانى من المفاجأة والفرحة وكلمت الحارس قالى انه ده امر من الشركة علشان رجلين الكلاب. الكلب اللى على المدخل التانى مكنش لابس و قى من الحرارة يا احبيبيى يبدل رجليه من سخونية الارض مش قادر يقف . وقفت ونزلت وبقول للحارس سايب الكلب كده ليه قالى بعت يا افندم اجيب الواقى لرجله حالا اول ما لاحظت حركة رجليه . كام شركة بقى من بتوع الحراسات اللى بيكسبوا الافات من ورا الكلاب الغلبانة دى اخدت بالها من الموضوع ده وخافت على الكلاب. احنا بنشوف مهازل فى الكلاب اللى على مداخل المولات والفنادق واماكن اخرى وبيبقى هاين علينا ننزل نشد الكلاب من ايدهم . نفسى ابقى امسك المسئولين فى الشركات دى واقلعهم الجزم واوقفهم فوق الاسفلت يمكن يحسوا شوية . وياريت كمان كلاب الداخلية والجيش بتوع المفرقعات والمخدرات والحراسات يكون فى مراعاة للموضوع ده لانه بجد حرام اللى بيحصل ده.