الطب البيطري يأخذ موافقة من محافظ القاهرة لقتل الكلاب بالغاز واستغاثات للرئيس

 

قالت د. منى خليل، مديرة جمعية إيسما، أن جمعية الرفق بالحيوان بالشرابية أخذت موافقة الهيئة العامة للخدمات البيطرية على التخلص من كلاب الشوارع بالغاز ومحافظ القاهرة وافق على الكلام ده. 
 

وتابعت متساءلة، هى دي الهيئة وهى دي الجمعية مدعية الرفق بالحيوان. هى دى الهيئات الرسمية وتصرفاتها.
 

من جانبه قال عبده جو، رئيس مجلس إدارة جمعية كارت للرفق بالحيوان، بتوع الطب البيطري بيتفننوا إزاي يقتلوا الحيوانات اللي ربنا خلقها.
 

جمعيه الرفق بالحيوان (الحكومية) اللي ماسكها واحد من بتوع الطب البيطري أصلا اتفقت و اخدت موافقة الهيئة ألعامه للخدمات البيطرية اللي هما كل يوم يسموا الكلاب ومحافظ القاهرة أنهم يقتلوا الكلاب خنقًا بالغاز.
 

زي الصوره اللي تحت ده لعنبر من عنابر الغاز الكلاب تتحبس فيها ويتقفل عليهم يموتوا مخنوقين بغاز اول أكسيد الكربون.
 

متساءلاً: انتوا مبتخافوش ربنا!! انت مش خايف علي عيالك؟ أنتوا عايزين ربنا يخسف بينا الأرض.
 

وجه استغاثة للرئيس عبد الفتاح السيسي، سيادة الرئيس انت مش بس مسؤول عن البني ادمين أنت مسؤول عن الحيوانات، عمر بن الخطاب رضي الله عنه كان خايف ربنا يحاسبه لو حيوان تعثر في الطريق لو هو مش ممهده، يا ريت تسمع لينا وتبص بصه علي ملف الطب البيطري و جرائمه.