د. خالد منتصر: الحكاية مش ماتش لكن حكاية بلد بقت فريسة كل واحد ينهش منها شوية

قال د. خالد منتصر، الكاتب والإعلامي، للأسف الحكاية مش حكاية ماتش الحكاية حكاية بلد بقت فريسة كل واحد ينهش منها شوية بيتعاملوا معاها زي حجرات الفنادق لما يسكن فيها محدثو النعمة! 
 

وأضاف منتصر في تدوينة عبر حسابه بالفيسبوك، خد عندك لما رئيس نادي كبير يبيع قبل الماتش أتنين من أهم اللعيبة لنادي لسه مولود امبارح قسريًا بولادة قيصرية سعودية، حتي مايستناش لما ينتهي الماتش ويرجعوا.. ده يبقي اسمه إيه؟
 

وتابع، لما عضو اتحاد كورة ينزل ضحك في المدرجات علي هزيمتنا من روسيا.. ده يبقي اسمه إيه؟!
 

لما نختار الشيشان عشان بلد مجاهدين وكأننا رايحين غزوة وعشان رئيسها عازمنا بلوشي برغم إن المسافة ما بيننا وبين الملاعب اللي هنلعب فيها الماتشات أربع ساعات طيران!؟ يبقي ده اسمه إيه؟
 

واختتم منتصر تدوينته: الفشل واللا انتماء شعار المرحلة.