إعلامية سورية تنشر نتيجة تحليل الـ DNA بأنها ليست عربية: إحنا مو عرب عشو لازقين العروبة ببلدنا؟

 

نشرت الإعلامية السورية ماغي خزام، تحليل الـ DNA الخاص بها والذي كشف أنها ليست عربية.
 

وأوضحت خزام عبر حسابها بالفيسبوك، أنها قامت بعمل هذا التحليل، لأنها صاحبة قضية، مؤكدة: "نحن مو عرب و فعلاً بيوضح التحليل انه 47 % من أجدادي من جهة أمي من أرمن القوقاز علمًا إني ماني أرمينية و لا بحكي أرمني و لكن أجداد أمي هربوا من أرمينية نتيجة الإبادة العثمانية ( التركية ) واستقروا بحلب سوريا.
 

وأضافت، 36% من أجدادي من جهة أبي سوريين أصليين والخريطة بتوضح انه من سوريا مو من أي دولة ثانية بالوطن العربي.
 

وتابعت، النسب الباقية طبيعية بحكم تموضع القوقاز جغرافيًا، المهم انه تحليل الـ DNA تبعي أثبت نظريتي: 
 

1 _ ما فيي ولا 0.0001 % من العرب وهاد ما بيعني إني بكره العرب بالعكس و لكن لأنها حقيقة عم يحاولوا من 50 سنة يدفنوها.
 

2 _ بيفسر سبب قرفي من تركيا وسبب عدم تأييدي لكل من إيران وروسيا ( ولمعرفة هالاسباب ارجعوا لتاريخ القوقاز). 
 

3 _ انه فعلاً الغضب و الكره و الحب و الانتماء و العقيدة بتنتقل بالجينات عبر الاجيال و من هون بتجي خطورة تجنيس مجهولي النسب بسوريا . 
 

وبالنتيجة، بدي اتحدى السوريين بدءًا من الرئيس بشار الأسد ووصولاً لكل سوري يعملوا تحليل DNA و بتحداكن إذا بيطلع من عدد السوريين أكثر من 10% عرب ولما بتكون الحقيقة إننا مو عرب عشو لازقين العروبة ببلدنا؟ 
 

بس بدك لما يعملوا أحفاد العثمانيين و ضحايا الغزوات العربية من اللي كانوا مجهولي النسب بالماضي تحليل ، يتجرأوا يحطوه عالعلن. 
 

واختتمت بهاشتاج  #سوريا_مشرقية_وليست_عربية