خناقة علي الفيس بين زوج الفنانة شيماء وأطباء الهرم

 كتب : محرر المتحدون ج . و
كتب احد أطباء مستشفي الهرم عبر صفحة أطباء مصر علي موقع التواصل الاجتماعي فيس بوك

قال زوج الفنانة شيماء سيف اللي في ألصوره ده صور الأطباء دول في مستشفي الهرم ونشرها ع الفيس وكتب عليها نصاً كده
العالم الوسخه علي حد تعبيره دول المفروض أنهم متخرجين من كليه طب وقاعدين بياكلوا وبيكشفوا علي المرضي بالمراسله من غير مايشوفوهم وسرد قصه حيث قال

يوم الأربعاء اللي فات الساعة 8.5 بالليل جالنا جوز الفنانة ومعاه والدته بتشتكى من ألم في الركبتين بقالها أسبوعين "كشفنا" على الحالة وكان واضح أنها خشونة ودي حاجه مزمنة اعتبارا لسن المريضة الكبير فبلغتها أنى هديها مسكن لحد متيجى العيادة الخارجية الصبح والاستشاري هيشوفها وأنها مش حالة طوارئ.
الكلام معجبهوش ودخل لزميلي الأكبر مني قاله برده بكل احترام أن الحالة مش طوارئ ولازم تيجي العيادة الصبح الاستشاري يشوفها المهم ريحنا دماغنا لأننا تعبانين من الشغل طول اليوم ودا واضح في الصورة.

وطلبنالها أشعة والأشعة أكدت أنها حالة خشونة و مش طوارئ فالباشا برضه معجبوش والكلام رغم أنه ضيع وقت ناس تانية ف حالات طارئة واستهلك فيلم
أشعة ممكن حالة طوارئ تحتاجه بعد كده وما تلاقيهوش

و صورنا على غفلة وأنا بكتب العلاج لوالدته وكتب " العالم الوسخه دول
والفنانه شيماء سيف مراته شيرت البوست بتاعه والدكاتره أتشهر بيهم واتشتموا بدون وجه حق
البوست انتشر والناس هاجمته قام جوز الفنانه مسح البوست بعدها بساعات
 ملحوظة

الاوضة اللى متصورة دى في الاستقبال أحنا بنقعد وبنام وبنفطر ونتغدى ونتعشى فيها عشان لو حادثه جات في اي وقت وفى ناس بنقعد فيها باليومين فالبيه مش عاجبه أنه بقى فيها أكل أو ازازة مية !!

في ألصوره أحنا الثلاثة ( واحد فينا بيكتب علاج لوالدته والتاني بيكلم التمريض يراجع معاهم تذكره لمريض والثالث نام علي نفسه من التعب وهو
قاعد...المفروض نعلقه من رجله ده )
دا مثال من الفئه اللي المفروض فاهمه الفرق بين حالات الطوارئ والعيادة ما بالكم لو واحد بلطجي بقي !!

إحنا مش هنرد عليك كونك مسحت البوست فأنت أجبن وأتفه من إنك يترد عليك ولو كنت جدع كنت سيبته وقضيه سب وقذف هتدفعك اللي وراك واللي قدامك للناس دي وساعتها هتعرف مين العالم الوسخه