بالصور.. نشطاء يتداولون قصة "عم وجيه" صديق الكلاب والقطط

تداول عدد من رواد موقع التواصل الاجتماعي قصة "عم وجية"، الذي كان مهتما بعناية القطط والكلاب في منطقة شبرا، وبعد وفاته مازالت هذه الحيوانات وفية وتنتظر أمام باب الشقة.
 

وقال منشور متداول على موقع التواصل الاجتماعي "فيسبوك": "الراجل الجميل الطيب ده اسمه عم وجيه الله يرحمه راجل طيب عايش لوحده فشقته فشبرا فالترعه وكان مربى قطط وكلاب بلدى كتير حالات مريضة وانقاذ وبيصرف عليهم من مصاريفه الشخصيه وبيعاملهم كأنهم اطفال هما اولى منه حتى فالاكل وبيعالجهم عند دكتور وعمره ما قصر معاهم لغايه ما اتوفى فشقته من كام يوم وسط كلابه وقططه وماحدش حس بيه غير لما بلغوا اهله وجم فتحوا الباب".
 

وتابع المنشور: "حتى الان يوجد ٤ قطط داخل المنزل و كلب قدام باب عمارته المقفول مستني عم وجيه يدخله بيته و يأكله زى كل يوم بس للاسف الباب مش بيتفتح و مفيش عم وجيه ولا فى اكل و ناس عموما مش بترحم رجاء خاص اللى ساكن فشبرا يودى اكل وميه ويسبهم فالشارع ده".