تركي آل الشيخ يفتح النار على متعب وسعد وفتحي وفضل: «جريوا ورايا ورفضت قالوا انتماء»

هاجم المستشار تركي آل الشيخ، رئيس هيئة الرياضة السعودية، الفنان أحمد السعدني وطه إسماعيل، لهجومهما على فريق بيراميدز، قائلًا: «إية مضايق أحمد السعدني، وطه إسماعيل آخر خبرته في الكرة لما مكنش في تسلل في كرة القدم، وهؤلاء لا يعبرون عن الشعب المصري».

كما هاجم تركي آل الشيخ، عبر مداخلة في قناة «بيراميدز تي في»، محمد فضل، وعماد متعب، قائلا: «فضل بيقول الانتماء وهو عمال يجري ورا الناس اللي في القناة بتاعتي للشغل في بيراميدز، وعماد متعب بيقول الانتماء لا يتغير، وهو بيجري ورايا عشان أعمله ماتش اعتزال ولما رفضت هاجمني، وعايز يشتغل محلل عندي في القناة، وسعد سمير كان موقع للنادي قبل 4 أشهر، ودلوقتي بيقول فانلة الأهلي، وأحمد فتحي كمان، هو أنا مستثمر في إسرائيل أنا بستثمر في الرياضة المصرية وفي مصر».

وتابع: «ويا هيثم ياعرابي بعد ما تخلص صفقات ريال مدريد وبرشلونة هاتلنا لاعيبة»، مضيفًا: «عايز كل شخص يخليه في حالة، ودي تجربتنا، وفلوسنا وإحنا حرين فيها، وأنتم زعلانين ليه يعني، وأنا مش غضبان، وأنا بحاول أكشف الناس على حقيقتها».

وأردف: «الجميع بيسعى لمصلحته الشخصية مش لمصر، وأنا أتشرف بوجود ميدو في القناة، كفاية احترام جون تيري له، وغيره من القامات في القناة».