إتيليه مارياچ عباس العقاد يرفض إرجاع عشرة آلاف جنيه لأهل العروسة المتوفاة مريم ودعوات لمقاطعته

كتب – محرر الأقباط متحدون أ. م
تداول رواد مواقع التواصل الاجتماعي قصة سبب وفاة د. مريم قبل فرحها بيومين، حيث قالت أحدهم، طبعًا كلنا عرفنا عن وفاه الدكتور مريم قبل فرحها، واللي يعرفها واللي ميعرفهاش حزن عليها، أهلها ناس محترمين جدًا، وكل الحجوزات بتاعه تجهيز الفرح كلها رجعت من غير حتي ما حد يتكلم.

وتابعت، الكوافير والميكاب ارتيست والتصوير والڤيديو وحتي حجز القاعه تبع الجيش رجعوا الفلوس، ماعدا صاحبة الاتيليه مارياچ عباس العقاد اللي المفروض انها ست محترمه وللأسف عارفه مريم وأول من شير بوست وفاتها كانت هي الاستاذة مني صاحبة الاتيليه أدت لمريم الفستان 10000جنيه.

وأضافت، جم يرجعوا حجز الفستان وهو لسه بحالته ومتلبسش ولا اتفتح الهانم ادتهم التأمين 1000ج وادتهم حلين يا إما ياخدوا نص المبلغ اخر الشهر يا إما يجيبوا حد يأجر الفستان بنفس المبلغ!!

وطبعا عشان هما مش في حاله أنهم يدوروا علي عروسه تاخد الفستان بالمبلغ دا فارضيوا بالحل التاني للاسف.