البابا: الإنسان المسيحي هو من يأحذ المسيح معه كل يوم ويطرد الخطية

ألقى قداسة البابا تواضروس الثاني، بابا الإسكندرية بطريرك الكرازة المرقسية، كلمة لشعب كنيسه القديسه العذراء مريم والشهيد مارمينا ساركيوس نيويورك بعد تدشين مذبح الكنيسة وأيقوناتها، أكد خلالها على ضرورة أن يطرد الإنسان المسيحي الخطية من حياته.
 

وقال البابا إن الإنسان المسيحي "هو الإنسان الذى يأخذ المسيح معه فى كل يوم.. يعنى أيه بياخد معه المسيح فى كل يوم يعنى فكره فى المسيح وكلامه يشعربه انه أمام المسيح قلبه ينبض حبًا فى المسيح طول اليوم وكل يوم ،كنيستنا يتعلمنا حاجة جميلة أول حاجة بتعلمنا انك تقدر تاخد المسيح كل يوم من خلال الإنجيل يعنى وانت بتقرأ الأنجيل كل يوم أن بتاخد المسيح معك وبتتقابلوا كل يوم ، وكل مره تفتح الانجيل كأنك تتقابل مع المسيح مباشرة ولو شخص أهمل الإنجيل معناه ان بيترك المسيح يبعد عنه والكنيسة كمان بتعلمنا ان الأجبية هو كتاب صلوات مش مقرر ولكنه هو كتاب مأخوذ من سفر المزامير ومن خلاله بنقابل المسيح".
 

وأشار إلى أن الكتاب المقدس يقول: " الْعَالَمَ كُلَّهُ قَدْ وُضِعَ فِي الشِّرِّيرِ" والخطايا كلها هدفها أن تبعدناعن ربنا ،الإنسان المسيحي هو الذى يطرد الخطية من قلبه ان كان بالفعل او بالقول أصفح وأغفروخلينى أنهى اليوم بطرد كل الخطية ولما يجى يوم جديد يكون قلبى نقى ولا يسمح للخطية ان تدخل عينيه او أذنه شخص بيطرد عايز يعيش فى النقاوة ويغسل أفكاره علشان كل مابنصلى كل يوم بتعود وبنتعلم ازاى اقف قدام ربنا".
 

وتابع: "نحن عايشين على الأرض وربنا أعطانا ان نعرفه ونتعلم ونخلف ونعيش ونعمل ويبقى عندنا هوايات كل هذا جميل واعمله وانت فرحان ، ولكن تذكر دائمًا أن تكون مشتاق للسماء خلى رجلك على الأرض وعينيك على السماء والإنسان الغير مسيحي أهدافه أرضيه عايز يوصل عايز يحقق لكن الإنسان المسيحي يعمل كل حاجه ولكن أمامه السماء ( رؤ 2 : 10 ) " كن أميناً إلى الموت ، فسأعطيك إكليل الحياة " أيه جميله نصفها على الأرض والنصف الأخر على السماء النصف الاول " كن أمينًا الى الموت لاخر يوم فى كل حاجه شغلك بيتك تربيتك لأولادك وكن كلمة مفتوحة تصلح لكل واحد وهذا النصف اللي على الأرض والنصف الأخر "فسأعطيك أكليل الحياة " فى السماء حاضره قدامة ومفيش يوم مبتشوفش فيه السماء لكن الاشتياق موجود ، واذا أرادنا تجميع هذا التعريف للإنسان المسيحي " هو من يأحذ المسيح معه كل يوم ويطرد الخطية كل يوم ويشتاق للسماء كل يوم " ومن هنا صارت الكنيسة واحنا فيها تصنع القديسين من خلال ذلك التعريف".
 

يُذكر أن البابا كان قد غادر متوجهًا إلى الولايات المتحدة الأمريكية فى رحلة رعوية جديدة، وتستغرق الرحلة نحو شهر، يعود بعده البابا للقاهرة منتصف أكتوبر المقبل.