يا كنيسة المسيح اوعي تنسي

هل فقدة الكنيسة صوابها ؟حتي تطلب من العالم انصافها .وهل يكون الشيطان حليفها! علي من تعلي صوتك وتطلبين النجاة في خطوط ارضية مشغولة ووهمية يا كنيسة المسيح النمرة غلط .

 

أغلقي السكة وصححي الرقم وعاودي الاتصال .واوعي تنسيي رقم النجاة .عندك خط ساخن! جربوه ولادك وسجلوه. في كتابك المقدس حفروه .افتكري أن مياه بحر سوف بقيت أسوارعن اليمين وعن اليسار.

 

والمياه تحت أقدامهم احجار. المياه لاولادك حماية من الاخطار ومن اسلحة فرعون الجبار.

 

ونفس المياه لاعدائك نهاية. لكل عاتي ومغوارو غاصت ذكريات العبودية في بحر مالوش قرار. وأوعي تنسي وجود الهك مع الفتية في قلب النار وصارت سبع اضعاف .

 

وللي رموهم من هوج النار صاروا فحمة ونفس النار بقيت لولادك جنة. وأوعي تنسي حكاية دانيال والمؤامرة اللي دبرت لهلاك رجل الله حتي الملك اللي بيحبه اصبح لا حول له ولا قوة امام المخطط الجبان لكن الهك لاينعس ولا ينام ارسل ملاكه وسد افواه الأسود وصارت حملان وعاش دانيال ليله يحكي عنها كيف اصبحت اختبار ونفس الاسود اللي كانت مع دانيال حملان افترست المتأمرين واصبحوا في طي النسيان .

 

وأوعي تنسي وجود الهك مع بولس وسيلا السجن أصبح بلا جدران والسجان اللي جلدهم هو نفسه اللي غسل جراحهم واعتمد وصار هو وكل اهل بيته فرحان .

 

واوعي تنسي كنيسة مصلية من اجل بطرس لما كان في السجن زمان ومحروس باربع ارابع من العسكر وابواب حديدية كمان لكن الصلاة اقوي من كل قوة بشرية فتحت الأبواب الحديدية ونجت بطرس من يد بطش هيرودوس ونفس هيرودوس اللي قطع رأس يعقوب واراد قطع راس بطرس هو اللي اكله الدود وهو حي .

 

والسر انه كان في كنيسة مصلية تعرف سر النجاة السماوية . عاوز اقولك رقم القوات السماوية هو 50 15متاح 24 ساعة مش هتلاقي أعذار بشرية ولا هتلاقي خطوط وهمية هتلاقي وعد مكتوب مش ممكن يكون مشغول افكرك دي نمرة وخط مفتوح في 

 

مزمور15:50 تدعوني في يوم الضيق أنقذك فتمجدني

راعي الكنيسة المعمدانية ـ القاهرة