فيديو.. لحظة قتل صيدلى مصرى فى السعودية

محرر الأقباط متحدون
 احمد طه شاب مصري 29عام يعمل صيدلي بالسعودية اتقتل ب 7طعنات وكل ذنبه انه راجل عنده ضمير وبيطبق سيستم عمله !!

اللي حصل ان مواطن سعودي داخل لاحمد الصيدلية عايز يرجع منتج" بامبرز " ومش معاه فاتوره ومستعجل وعمال يقوله اهلي ف السياره خلص بسرعة وهرجع المنتج عافية ، احمد قاله لازم فاتوره لان هنا فيه نظام وسيستم، الزبون شتمه بالام شتائم فظيعة راح احمد طبيعي رد عليه بالشتيمه، مش الزبون يسكت لا راح ضارب احمد واحمد ضربه ، المهم مشي الزبون ورجع تاني يوم اللي هوا النهاردة بدون ما يتكلم معاه نص كلمه طلع سكينة وطعنه في قلبه ورجله وايده المفتري 7 طعنات وللاسف كل الناس اللي كانت ف الصيدلية طلعت جريت من الصيدليه وسابت احمد سايح ف دمه لحد ماوصل المستشفي شبه منتهي وفارق الحياة واتقتل وكل ذنبه انه بيطبق سيستم شغله ومات في الغربة بعيد عن اهله...وللاسف مفيش حد ف اهله ف ايده حاجة ومفيش حد هايقدر يرجع حق احمد غير بتدخل السلطات المصرية بالسعودية

ياريت نشوف حق احمد المواطن المصري بيرجع ف اسرع وقت ...نسال الله العظيم له الرحمه و ان يحتسبه من الشهداء ويسكنه فسيح جناته ويلهم اهله الصبر والسلوان