مكتشفة جريمة المرج عن المتهمين: «حسيت أنهم نسيوا اللي عملوه والعيال ماتت»

 

وأضافت في تصريحات لبرنامج «90 دقيقة»، المُذاع عبر فضائية «المحور»، مساء الأربعاء، «كان في إيجار متأخر، وقالولي هيسيبوا الشقة، قولتلهم لو معاكم أطفال بلاش عشان بهدلة في الجو ده، ولكن الزوجة الأولى قالتلي لا أنا مش بخلف، ولما سألتها على ضرتها قالتلي معرفش، شكيت فيهم أكتر لأني شوفتها حامل قبل كده».

 

وأوضحت أنها تقابلت مع الزوجة الثانية وتدعى إيمان وفوجئت بوجود أثار تعذيب شديدة عليها، وطلبت منها المساعدة، معقبة: «قولتلها إيه اللي عمل فيكي كده، وفين أولادك، كانت بتتهرب، و لما أديتها الأمان قالتلي جابولي طبق المياه، وقتل البنتين وبعدها حملت في ولد وقتلته، ولما خلصت حكي قالتلي لو لقيتي أحمد هياخدني معاه لما يجي يعزل كأنك مسمعتيش حاجة».

 

وتابعت أنها شعرت بأن المتهمين غير مدركين حجم الجريمة البشعة، متابعة: «حسيت أنهم نسوا الجريمة وأن في عيال ماتت، وهي خايفة بس يسيبها ويمشى دي كل المشكلة».

 

وأمرت نيابة شرق القاهرة بحبس المتهمين الأب «أحمد»، 36 سنة، وزوجتيه «إيمان» والدة الضحايا، و «هالة» 52 سنة، على ذمة التحقيقات بعد الاعتراف بقتل أبناء زوجته الأولى الثلاثة، وهم الطفلتين «ملك وجنى»، والطفل «محمد»، والتخلص منهم في رشاح قريب من المنزل.

 

وكان قطاع الأمن العام برئاسة اللواء علاء الدين سليم ، كشف ملابسات قتل رجل لابنائه الثلاثة منذ قرابة عام ونصف العام وتبين بأن الأب وراء ارتكاب الواقعة بتحريض من زوجته الأولى.