مؤمن سلام: "الجملة اللي بتحدد هدف التعليم المصري هى ضد العلمانية على طول الخط"

أعرب الكاتب مؤمن سلام، عن دهشته من تعجب رواد التواصل الاجتماعي من أن هدف التعليم في مصر هو "تكوين نمط موحد من الأفراد"، و"القضاء على الاختلافات الفكرية".
 

جاء ذلك تعليقًا على تداول صورة من كتاب تابع لكلية التربية بالإسكندرية، تقول إن هدف التعليم في مصر القضاء على الاختلافات الفكرية.
 

وقال "سلام"، في تدوينة له على موقع التواصل الاجتماعي "فيسبوك": "يعني نظام سياسي مستبد يقوم على أساس ديني منغلق، وسلطة حاكمة مؤمنة أن "الحق واحد لا يتعدد" و "الوطنية مش وجهة نظر" عايزها تعلمك ايه؟ "الاختلاف في الرأى لا يفسد للود قضية"؟ ولا "أنا أشك إذاً أنا موجود"؟ أمال احنا اتنبح صوتنا من زمان واحنا بنقول الطاغية لا يمكن يطور التعليم ليه؟ عشان يبقى جوز أمنا مثلا فبنكره؟ ولا سرق ميرثنا فعايزين ننتقم منه؟" -حسب تعبيره-.
 

وأضاف: "لأن دي طبيعة الأشياء، ديكتاتورية يعني تنميط، يعني قوالب، يعني مطلقات. عشان كده برضوا العلمانية والديكتاتورية دونت ميكس، فالجملة اللي بتحدد هدف التعليم المصري هى ضد العلمانية على طول الخط. علمانية يعني تعددية، يعني اختلافات فكرية، يعني مفيش مطلقات، يعني كل شيء نسبي." -حسب قوله-.