شيرين عبد الوهاب تعليقا على أزمتها الأخيرة : القنوات المأجورة من خارج مصر خدت كلامي وخرجته عن سياقه تماما

كتب – محرر الأقباط متحدون ر.ص 
علقت المطربة شيرين عبد الوهاب ، على أزمتها الأخيرة ، حيث قررت نقابة المهن الموسيقية منعها عن الغناء ، بعد اتهامها بالإساءة لمصر في حفلها الأخير في البحرين .

ونشرت عبد الوهاب بيانا ، عبر حسابها الشخصي على موقع التواصل الاجتماعي "تويتر" ، عاوزة أتكلم من قلبي مع كل واحد من أهل بلدي الحبيبة، ومن أهلي وأصدقائي وزملائي اللي قدروا يفهموا ويصدقوا إني لا يمكن أسيء لبلادي اللي أنا كلي من خيرها ولا يمكن أنكر فضلها عليا، بجد باشكركم وباحبكم، وبعتذر للي أساء فهم كلامي من كل قلبي. 

 وتابعت شيرين في بيانها ، بالنسبة للقنوات المأجورة من خارج مصر، اللي خدت كلامي وخرجته عن سياقه تماماً وحاولت تستغله ضد بلدي، بقولهم أن بلدي خط أحمر، وعمركم ما هاتفرقوا بيني وبينها ، وأحب أوضح لكل الناس اللي حقهم يعرفوا إن ما كُتب عني في الصحافة ونسب لي غير صحيح بالمرة،  وتقدروا تتحقوا من صحة كلامي من الفيديو الموجود مع إنه ممنتچ عن قصد علشان يطلعني غلطانة.  

وأضافت ، ما قيل على لسان النقابة والصحافة إني قلت (أنا هنا أتكلم براحتي عشان اللي بيتكلم في مصر بيتحبس)، وطبعاً ده مش حقيقي، وماقلتهوش، لأن الكلمة بتفرق! ، اللي قلته نصاً وهو موجود بالفيديو "أنا هنا أتكلم براحتي عشان في مصر ممكن يسجنوني" ، فيه فرق كبير بين الجملتين! .

 وأوضحت ، أنا كنت بتكلم عن موقف شخصي لما هزرت علي المسرح من قبل ورُفعت عليا دعاوى وصدر حكم بسجني سنة وسددت كفالة، واستأنفت واتلغى الحكم في الاستئناف!وبعدين اترفع عليا جنحة مباشرة عن نفس الواقعة، واتحكم فيها بعدم اختصاص القضاء المصري بما وقع في الشارقة هذا ما كنت أقصده والله أعلم بالنوايا. 

واختتمت ،  بحبك يابلدي مهما حصل، ودايماً تحيا مصر .