أول تعليق من وزير التعليم على أزمة التابلت بامتحان الصف الأول الثانوي.. فيديو

علق الدكتور طارق شوقي، وزير التربية والتعليم على واقعة أزمة أول أيام امتحان التابلت بالصف الأول الثانوي.

وقال "شوقي"، خلال مداخلة هاتفية برنامج "الحكاية"، المُذاع عبر فضائية "إم بي سي مصر"،: «أنا قاعد في المكتب طول النهار في غرفة عمليات علشان الناس تطمن إن فيه ناس بتشتغل حتي لحد دلوقتي».

وأضاف: «إحنا قولنا إننا بنعلم تجربة جديدة للتغيير في نظام التعليم، والتغيير ليس في التابلت أو الشبكات، بس إللي بيهاجم الوزارة بيمسك في دول بالتحديد»، لافتا: «التغيير الأساسي في طريقة المذاكرة ونظام الامتحانات».

وأشار: «عملنا تجربة لنظام الامتحانات في يناير الماضي والأولاد بدأوا يتعرفوا على شكل الأسئلة للفهم بدلا من الحفظ، بس كان فيه بعض الشوائب مثل التسريب»، موضحا: «السيستم الإلكتروني من أكبر ما يمكن علشان فيه 700 ألف طالب بيمتحنوا في وقت واحد في محافظات مصر».

وتابع: «الامتحان التجريبي ليس له علاقة بالنجاح أو السقوط، والوزارة استفادت من اليوم كثيرا، واكتشفنا حجم السيرفر المطلوب».