كتب – محرر الأقباط متحدون ر.ص
ساند الشاعر بهاء الدين محمد، المطربة شيرين عبد الوهاب في أزمتها الأخيرة ، حيث عاقبتها نقابة المهن الموسيقية بوقفها عن الغناء ، بعد تصريحاتها الأخيرة في حفلها الأخير في البحرين والتي اعتبرها البعض مسيئة لمصر .
وكتب محمد، تدوينة عبر صفحته على موقع التواصل الاجتماعي "فيسبوك"، قائلًا: "أنا عارف طريقة وتفكير شيرين وواثق إنها مكنتش تقصد بالسجن سياسة خالص ، وأكبر دليل على أنها لا تملك خبرة التوصيل أو التوضيح إنها مش عارفة لحد النهاردة تقول اللي باقوله ده وأقسم بالله إننا لا إتكلمنا ولا شوفنا بعض من سنين".
وتابع : المهم يا شيرين اسكتي وغنى بس.. ده أنا اللى الحمد لله أملك أدوات الكلام بكل تمكن مانع نفسى بل رافض تماما أي حوار في أي جهة إعلامية.. رفضا تاما لأن دورى أكتب فقط وكلامي هو أنا، وغلط الفنان يتكلم أصلا غير بحساب".
وأضاف : "معلش بنت بلدنا وصوت من الأصوات الحلوة اللي بتملكها مصر وماعندناش كتير بلاش نهدها وكلنا لينا ناس قريبين مننا لما بييجوا يتكلموا بيبوظوا الدنيا ، وإحنا قلوب طيبة وجوانا رحمة".
واختتم ، كلامي مش دفاع، ولكن توضيح وماليش أي مصلحة معاها كمطربة لأني خدت مصلحتى ونجحت مع الكل الحمد لله، ومعروف عني لا بأتقرب لحد ولا بجامل حد ولكن العكس هو الصحيح .
