كتب – روماني صبري
كشف الإعلامي توفيق عكاشة سبب مد فترة رئيس الجمهورية إلى 6 سنوات في التعديلات الدستورية الحالية ، مشيرا إلى أن المادة 140 من الدستور والخاصة بمدة الرئاسة كانت (غلط) بحسب وصفه .
وقال عكاشة في برنامجه "مصر اليوم"، المذاع عبر فضائية (الحياة)، مصر تمر بظروف اقتصادية تحت الصفر ، حيث خرجت من حريق الثورات الذي التهم كل ما فيها ولم تحافظ إلا على العمدان والطوب فقط .
وأوضح ، لما أجيب رئيس دولة يقعد أربع سنين هيعمل فيهم إيه ؟! ، بناء الدولة صعب جدا ، عكس هدمها ، أنت لو عندك بيت عاوز تهده وتبنيه بتجيب لودر وبتديله يوميه آلفين جنيه عشان يهد البيت كله .
وتابع ، ولما تيجي تبني بيت جديد على الأرض هياخد منك وقت قد أيه ؟ على الأقل 8 شهور ده لو معاك فلوس ، عشان كده الرئيس مش هيعرف يعمل حاجة في 4 سنين .
