تهنئـة للكنيسة القبطية بشهادة شهداء ماسبيرو
وتمنيات بحياة يغلفها الرخاء والصفاء بين جميع أبناء مصر

بقلم / م.عزمي إبراهيم

دم الشهيـد يجرى كنهـر النـور على أرض المدينـة
إبن الكنيسة ضَحَّى ومات عشان تعيش أمه الأمينـة
ولكل نقطــة دم منـه... دمعــة فى عيـونها الحزينـة
مـــات؟
أبـــداً ما مــات
عايش وغالى فى حضنها
قلبــه يـدق فى قلبــها... وإسمـه فيـها شـرف وزينـة

دم الشهيـد يشبـه لِنــار حاميـة فى ساعـة مصرعـُـه
بتلسـع الجــلاد فى قلبــه... ولا سـيفـه يقــدر ينفعـُـه
نسى فى يومهـا ان المسيـح بيشيـل شهيـده ويرفعـُـه
إلى سمـــاه
إلى بهـــــاه
بعـــد ما ضـحَّى الحيــــاه
ما بين ملايــكة وقديسيـن... أخـد مكانـه ومَوْضعـُـه

دم الشهيـد... كتـب سطـور تاريــخ كنيسـة مُخلــَّـدَه
سَمًـوها "أم الشهـداء"... كنيسـة جامعــة مُوَحــَّـــدَه
بحبـهم حفظـوا الإيمــان، وبدمـّــهم رَسَمـوا الفـــِـدَا
صـاروا مَثــَـل لكل جيـــل
صـانـوا الكنيسة ومجــدها
حتعيش مـدى الأيـــام منــار.. بين الكنايـس سـيـِّـدَه

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :