بقلم نورا فريد
ربي والهي انظر لضعفي
انا اصلي بشر مخطئ بطبعي
اديني اماني رجعلي سلامي
خايف من بكره واثامي قدامي
عبد وشرير وخطايايا كتير
عايش ف العالم ومليش تاثير
ربي حبيبي اوعي تسبنى
ابليس بيحاربني ومغلبني
بقولى الهك مش موجود
وانك انسان ضعيف محدود
بكره جسدك يأكله الدوود
وروحك تبقي معايا ف جنهم
وانا مش لاقي اي ردوود
اديني اماني ،رجعلي سلامي
خايف من بكره ،واثامي قدامي
اسندنى ياربي واديني القوة
اقدر ارد عليه وبقوه
اقدر اقوله
ان الهي اله احياء
عمرى ما اخاف من موت أو داء
ولو جسدى راح ف وباء
روحي تطيرلك ع السماء
انا مش قدك ياابليس
اما صحيح شيطان وخسيس
لكن بقوه ربى اهدك
اوعي تعمل فيها ملك ورئيس
يامسيحي قوم مين قدك
لازم تبقي اسد ف ردك
مش اي كلام ولاتهييس
ولا حتي شتيمه أو تجريس
دايما جاهز تدافع عن عقيدتك
وعارف سبب الرجاء ف كنيستك
وتحفظه دايما لابنك وبنتك
وتعيش ف العالم شخص مسالم
وتحب الخير ومتبقاش،ظالم
