كتب - محرر الأقباط متحدون ن.ي
قالت ماجدة سيدهم، الكاتبة الصحفية: "لما تشوف الشباب الروش..الواو .. على بعض الشواطيء الواو وهو بيشرب البيرة وجوه البحر في حالة من التهييس والصراخ المفتعل والضحك الهيستيري ..تقول فعلا انها لازم تمنع لغير المتزنين نفسيا وعقليا ومجتمعيا حتى لو كان الواحد عنده خمسين سنة.. وبعدين ليه ياحبيبي (تي) عادة كسر الزجاجات الفارغة ورميها بالبحر .ماهو فيه ناس غيركوا .. وطبيعي جدا حد يدوس عليها ينجرح بسبب تهورك ياروش.. ودا بيحصل فعلا".
وتابعت "سيدهم"، عبر حسابها على موقع التواصل الاجتماعي "فيسبوك": "وبعدين إيه حالة السكر الفجائي والدرمغة والقباحة والألفاظ الخارجة لمجرد أنك شربت بؤين بيرة ولا حتى ويسكي ..مش لدرجة أنك تقلع (ي) هدومك ملط وتسب في كل حاجة من أول الدولة والدين حتى أبوك (ي)وأمك ..دا لهو هزار ولا حرية ..دا تقل دم وحماقة".
وأضافت الكاتبة الصحفية: "مش حاقول غير انكوا شباب غلابة بجد ..ودي مش أكتر من حالة تنفيس و تمرد على كل الكبت والقهر والضغط والتحريم اللي طبق على نفسكوا سنين وتهتوا بعيد .. آسفة ..لو تصورنا انها حرية فمايتفعش مع مجتمع سلفي مكبوت وعلى آخره ..حايفلت جدا بلا تفكير أو نضج ..ف ياإما حايلحد ويصرخ ..أو حا يسكر ويصرخ.. أو حا يتدين ويتحرش .. والتلاتة كداببن ..لأنهم مش أكتر من حالة صراخ وغضب ورفض وتمرد ..ولا حرج على السكران .. ـي سلوك بلا نضج أو وعي أو التزام اخلاقي هو فوضى ..بس بنغالط نفسنا وبنقول حرية.. مش عارفين نميز".
وشددت: "العلمانية هي الحل الجذري والحاسم وبقرار قاطع .. ودي لازم تكون جرعة واحدة ..يعني صدمة .. يعني عزل نهائي للدين عن تفاصيل الحياة ة اليومية قولا واحدا ومن غير جدال ولا مناقشة ... دا مشروع ثقافي ضخم للوصول لحالة التوازن العقلي والنفسي يعني التوازن الانساني والحضاري للشعوب المقهورة بسبب عبودية الجهل والخرافة ..لأن بجد سلوك بعض الشباب مخزي فعلا".
