انتقد الإعلامي أسامة كمال، الطريقة التي عالج بها اتحاد الكرة المصري، أزمة اللاعب عمرو وردة، ولجأ إلى استبعاده من معسكر المنتخب المصري المشارك بأمم أفريقيا، وحرمانه من تمثيل الفراعنة في أي وقت لاحق.
وقال كمال، خلال تقديم حلقة الأربعاء من برنامج "مساء dmc" المذاع عبر فضائية "dmc": "طبعاً يا عمرو وردة مفيش حاجة اسمها كدة، ممكن طبعاً أنا كأسامة أتفهم إنك شاب صغير ودة سن التهور مش سن التحرش، لكن مافيش أي سن اسمه سن الكذب يا بني".
وأضاف: "حصل اللي حصل، آيه بقى اللي حصل، والأهم هو إيه العك دة؟ مش عك من شاب عمره كام وعشرين سنة بس، لأ من الكبار المحترمين اللي مش قادرين يحافظوا على سر في معسكر المنتخب".
وتسائل كمال: "هو كان لازم يتم استبعاد وردة بس عشان نقفل القصة ونخلص؟"، متابعًا: "كان ممكن عمرو يخرج من المعسكر في هدوء ومن غير بلبلة، من غير ما نقول شفنا فيديو قديم، فيخرج طب ما انت ماخدتش موقف في الجديد اللي حصل من يومين عشان تاخد في القديم اللي حصل ماعرفش امتى".
سيرة عمرو وردة عابرة للحدود
وتابع كمال: "منذ الصباح لا توجد سيرة غير المنتخب ومشكلة عمرو وردة، وانتهت بقرار هانى أبو ريدة المشرف العام على المنتخب، ورئيس اتحاد الكرة بخروجه من المعسكر وحرمانه من شرف تمثيل مصر".
واستطرد كمال: "سيرة عمرو وردة والفيديو عدت الحدود بسبب الطريقة الغلط اللى تم بيها إدارة الأزمة، طريقة خلت ناس كتير ما تخدش بالها من استشهاد 7 أبطال من الشرطة، ما هماش زي عمرو وردة ولا شغلهم فيديو عمرو وردة والبنت المكسيكية".
وقال كمال، إن المدير الفني الفراعنة خافيير أجيري قرر خلال مؤتمر صحفي سابق إغلاق ملف موقع الإنستجرام للاعبي المنتخب، وقراره بعدم توقيع عقوبة على أي لاعب.
وأضاف: "أحمد المحمدي قائد المنتخب قال أجيري اتكلم دقيقتين بالظبط على الموضوع والأمور رجعت لطبيعتها".
وكان اتحاد الكرة المصري قد أصدر قرارا أمس، باستبعاد اللاعب عمرو وردة من معسكر منتخب مصر، وحرمانه من تمثيل الفراعنة مستقبلا، على خلفية ما بدر منه مؤخرا.
