كتب – محرر الأقباط متحدون أ. م
استنكر عبد الرحمن يوسف، مدير مؤسسة كارت لرعاية الحيوان، ما يحدث بمحيط معهد ناصر من قبل موظفين عاملين بالجهاز الإداري للدولة، حيث يتم اصطياد الكلاب بطرق غير قانونية وغير آدمية، إذ يتم اصطيادهم بتكسير الأرجل، ثم يقوم أحدهم بضرب الكلاب بالشوم على رؤوسهم وأجسادهم حتى الموت.
وقال عبد الرحمن في تدوينة عبر حسابه بالفيسبوك، يا سيادة الوزيرة، أنتِ عندك مصيبة بتحصل في معهد ناصر اللي المفروض بيمثل الرحمة والشفاء".
واستطرد موضحًا، المعهد متعاقد بقاله سنين مع شركه مكافحه بيصطادوا الكلاب بطرق غير قانونية وغير آدمية، بالبلدي كده بيحطوا فخ مربوط في الأرض الكلب يدوس عليه يقفل علي رجله يفرمها ويربط الكلب ويجي المجرم يفضل يضرب الكلب بالشوم يكسر عضمه كله وينزف لحد ما يعجز عن الحركة خالص و يربط رجوله الأربعة في بعض و ياخده يرميه زي ما هو كده في أي حته صحرا!!!!
وتساءل مستنكرًا، إيه البشاعة دي؟ إيه كمية الدموية والعنف دة؟ هل ده يليق بمنشأة تابعه لوزارة الصحة ياريت نشوف مبادرة من سيادتك لعقاب المسؤولين و أولهم مدير المستشفي.
وتوجه عبد الرحمن برسالة إلى مدير معهد ناصر قائلًا: مدير المستشفي أنت شريك في الجريمة البشعة دى وهانقاضيك، أما شركه سمارت المتعاقدين معاها دول بيخالفوا القانون وبيخالفوا الشرع والإنسانية وهانقاضيكم لحد ما نشوفكم كلكم بتتحاسبوا من أول صاحب الشركة.
