كتب – محرر الاقباط متحدون ر.ص
نشرت الفنانة سما المصري، عبر صفحتها الشخصية على موقع "إنستجرام"، صورة لمحمد صلاح، نجم المنتخب المصري وهداف نادي ليفربول الإنجليزي، وهو يبكي على خروج منتخب مصر من بطولة أمم إفريقيا، بعد هزيمته بالأمس من قبل جنوب إفريقيا .
وعلقت المصري على الصورة قائلة: "ما تزعلش يا بطل معلش ما تعيطش دموعك غالية علينا إحنا شعب كده لازم أي حد ناجح نهد فيه ونفشله مهما عمل عشان كده أنت ناجح بره مصر".
وتابعت: "ناس مابترحمش.. أنت وزمايلك رجاله بس تخاذلتم شوية عشان عشمنا فيكم كان أكبر من كده.. معلش.. تتعوض.. ومصر ما خسرتش مصر فازت بتنظيم بطولة كبيرة ذي دي في وقت قصير جدًا وفازت بجمهور كبير وعظيم ومحترم قدر يرجع الإستاد تاني ويا رب كل شباب الألتراس يرجعوا تاني الملاعب ويملوا الدنيا تشجيع منظرهم كان يفرح ويشرح القلب إمبارح".
وأضافت: "شكرا كابتن محمد فضل على التنظيم ومع السلامة يا أفشل اتحاد كرة جه والقلب داعيلكم.. أحسن حاجة حصلت أن اتحاد العار دا استقال وأنا قلت أنهم لازم يمشوا بعد الخروج المخزي مبكرًا من كأس العالم بس كله بأوان.. يارب باه منظومة رياضية جديدة تشرف البلد ونرجع لبطولات زمان والاتحاد ينضف.. ادعموا محمد صلاح".
