كتبت: أماني موسى
عقب أحداث التحرير قامت فرقة "براويز نوبية شرقية" بعمل أغنية تحمل تعازي لأسر الشهداء، وبأن أؤلئك الشهداء أحياء يرزقون وقد دفعوا حياتهم ثمنًا للحرية ولمصر.

وتقول كلماتها:
عايزك يا أمي تسامحيني ومتزعليش
سيبتك لوحدك على عيني
كان نفسي أعيش
أنا كنت نازل أحقق حلم
ولا كان في بالي تشيلي الهم
اينك يا أمي يا أعظم أم
شهيد وحي متحزنيش

بعت روحي في يوم عيدك
عشان تطمني عليكي
رجعت يا أمي بتنهيدك
ودموع مفارقتش عينيكي
الناس معاكي وحواليكي
في العيد بيحتفلوا بيكي
والكل عاوز يرضيكي
ودة كله وأنتي مبتضحكيش

أكيد يا أمي هنتقابل
في الجنة وهبوس رجليكي
دي شهادتي والدم السايل
مازال لربي يشفع ليكي
أتحملي الفرقة يا أمي
عشان بلدنا يهون دمي
أرجوكي تنسي وتبتسمي
ومن النهاردة متعيطيش
يذكر أن الأغنية من كلمات بهاء عبد الرحمن، وغناء وألحان أحمد صالح، توزيع روماني ميشيل.

لسماع الأغنية انقر هنــــــا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :