الراسل: بنت الملك
لولا الأكل المسرطن والميه الملوثة والسحابه السوده...
مكنوش قدروا يستحملوا الغاز لغاية دلوقتي لمدة 96 ساعة.
- لولا الوقوف في طوابير العيش وطوابير التموين وطوابير التذاكر و.. إلخ...
مكنوش قدروا يقفوا على رجليهم كل ده في الميدان.

- لولا عدم وجود معامل في المدارس محترمة... اتعودنا نعمل التجارب في المطبخ مكنوش في الآخر بيطلعوا ميكسات ضد الغاز وخميرة بتركيز 5% و خل بنسبة كذا وبصل و....... إلخ
- لولا فقر الشعب و إنه مش لاقي ياكل...
مكانوش قدروا يواصلوا كل ده من غير أكل.
- لولا إن اكتر من 30% بطالة ومكملش تعليمه ومش لاقيين حاجة يعملوها... مكنتش هتلاقيهم 24 ساعة واقفين رجالة في الميدان.
- لولا إننا اتعودنا ندور على كل حاجة بنفسنا...

مكانوش عرفوا مكان الأقنعة ومكانوش عرفوا مكان الكمامات وأزايز الرش البلاستك.
- لولا طلاب كليات الطب بيضيعوا 10 سنين من عمرهم عشان يتخرجوا من الكلية... مكانوش قدروا يعالجوا 80 حالة في اليوم الواحد زي دلوقتي.
- لولا ال3 سنين تجنيد إجباري وجري من الشرطة العسكرية...
مكانوش عرفوا يتصرفوا قدام جهاز الشرطة والأمن المركزي.

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :