كتبت – أماني موسى
طرح الإعلامي عمرو أديب سؤال للتصويت عبر صفحة برنامج الحكاية، هل يحق للزوج منع زوجته من نزول البحر؟ وتخطت نسبة الموافقة 70%.
من جانبها قالت الفنانة رجاء الجداوي، أنه يحق للرجل في بعض الأحيان أن يخبر زوجته بأنه لا يريدها أن ترتدي "المايوه" ربما لازدحام الشاطئ أو خلافه، لكن ليس دائمًا، مشيرة إلى أن الموضوع قد يصل في بعض الأحيان للطلاق.
وأضافت، أن بعض الرجال يتعنتون ويرفضوا نزول زوجاتهم البحر دون إبداء سبب، وأن من حق الرجل أن يقول ومن حقها ألا تنصاع لأوامره.
وتابعت، يعني هو جايبها يا حبة عيني للبحر وتشوف الناس حواليها بتنزل وهي قاعدة زي أبلة الناظرة؟!
شريف: تنزل بس بمايوه شرعي محترم
قالت أميمة من القاهرة، لازم الرجل يوافق لمراته أنها تنزل البحر، وهل معقول أن واحدة هتروح المصيف وتوافق على كدة؟
وقال شريف من البحر الأحمر، أنا مش هتحكم فيها لكن أهم حاجة شكل اللبس، تنزل بس تلبس المايوه الشرعي المحترم، تنزل إيه المشكلة؟ وتابع هي مش جزء من ممتلكاتي، وأنا جايبها البحر عشان أبسطها.
من حق الرجل منع زوجته من نزول البحر
بينما قالت منى من الإسكندرية أنه لا يصح أن تنزل المرأة إلى البحر في وجود زوجها، أنا من إسكندرية وبشوف مناظر مش حلوة، ومن حق الراجل يمنعها من النزول، هي تقعد على الشط أو تاخد بالها من العيال.
سحر: انزل مع أجانب مش مصريين
وتساءلت سحر، يعني أنا أروح البحر ومنزلش؟ يعني جايبها البحر ينقطها؟ المهم تلبس مايوه محترم وواسع أو تنزل في مساحة خاصة للسيدات فقط!
وتابعت، لو جوزي خايف عليا وفي شباب حوالينا يبقى حقه، لكن لو عكننة يبقى لا، ولو هتنزل مع أجانب هيبقى أفضل من المصريين عشان التحرش.
عفاف: جيل اليومين دول كلهم عقد
بينما قالت عفاف من القاهرة، أن والدها من الزمن الجميل وكان ينظر أن للمرأة نفس القدر بالضبط من الحقوق والواجبات، وكانا ينزلان صباحًا في المصيف للبحر سويًا ويعودا مبسوطين، لكن جيل اليومين دول كلهم عقد والبعض منهم عامل دكر عالفاضي.
مشاهدة الفيديو كامل انقر هنا
