كتب – محرر الاقباط متحدون ر.ص
استعادت الكاتبة الصحفية "أماني موسى"، ذكرياتها مع التعاليم الخاطئة التي وضعت الحيوان في مكانة اقل من الإنسان ، بما في ذلك الحب والإدراك ، موضحة أن التجربة وما يشهده الواقع اثبتا العكس .
وقالت موسى عبر حسابها الشخصي على موقع التواصل الاجتماعي "فيسبوك"، :" زمان ربونا أن الحيوان كائن أقل، أقل من الإنسان في كل حاجة، في الإحساس في الحب في الفهم، وإن الإنسان كائن أرقى.. بس بالتجربة تبين العكس، الحيوان حرفيًا مش مجازًا أرقى وأنصف من البشر.
واستطردت موضحة :"جرب تدي لكلب لقمة شوف حبه ليك بعد كده هيبقى أزاي، ولقمة من فضلات أكلك، جرب على الجانب الآخر تطعم إنسان، وعادي جدًا هتلاقيه بيغدر بيك وبياكل لحمك في غيبتك، وبتوصل للقتل عشان 100 جنيه مثلا ولا موبايل، جرب تحط قدام حيوان -حتى لو مفترس- 5 كيلو لحم مطبوخ شهي، هياكل اللي يكفيه ويشبعه بس وهيسيب الباقي، لكن حط الـ 5 كيلو دول قدام إنسان، هياخد له وللزمن، ولو يطول ياكلك أنت شخصيًا مش هيتأخر.
وأضافت :" جرب تعطف على حيوان وتحبه وشوف حبه ليك وأنه ممكن يبديك عن نفسه، لكن الإنسان هيحبك شوية ويبغضك شوية، منحنى المحبة عنده بيطلع وينزل وفق المصالح والظروف.. ميغركش استخدام كلمة حبيبتي وحبيبي في كلامنا وتعليقاتنا دة بس بيبقى يمكن ناسي الاسم ولا بيقول عليك في سره المقطوع، الحيوان معندوش خبث ولا حقد ولا سماوي، إنما النفس البشرية مليانة، ومش كله بيروض نفسه الإمارة بالسوء، البعض بيسيب لنفسه العنان لجموح شره.
وأوضحت :" الحيوان بيرد الخير بخير وحتى الشر مش بيرده بشر، البشر بيردوا الخير والعطاء بالشر والنكران..الحيوان مش بيجيب سيرتك في ضهرك وياكل لحمك نميمة وغيبة، وفي وشك يضحك ويقولك يا حبيبي.. لكن الإنسان بيعمل كدة.
واختتمت:" الحيوان مش هيحقد عليك لما يلاقيك فرحان أو حاجة كويسة بتحصلك ولا هيتمنى زوالها من عندك، هيبقى فرحان لما بيلاقيك فرحان وبيزعل كمان لزعلك وبيبقى حاسس بيك.
