كتبت: ميرفت عياد

في إطار التعبير عن كل ما يجرح أو يؤلم جسد هذا الوطن، قام الشاعر الشاب "هشام الجخ" بإلقاء قصيدته "مكملين"، على خلفية مشاهد من "ميدان التحرير"، وشارع "محمد محمود" الذي شاهد الأحداث الدامية، وسقوط العشرات في الموجة الثانية من الثورة المصرية.

وتقول كلمات القصيدة:
للى مش فاهمين نقول..
للى مش فاهمين نزولنا.. للى معاشوش ظلمنا ولا قهرنا وحسوش نزول
للى مداقوش مر جوعنا.. اللى ماناموش فى الشوارع كالدبايح
كملوا بالليل عشاهم بالصفايح..
للى مش فاهمين مهانة الرجال
قهر الرجال.. للى بيقولوا علينا حبة عيال..
احنــا مش حبة عيال.

للى مش فاهمين نزولنا.. للى معاشوش ظلمنا ولا قهرنا وحسوش نزول
للى مداقوش مر جوعنا.. اللى ماناموش فى الشوارع كالدبايح
كملوا بالليل عشاهم بالصفايح..
للى مش فاهمين مهانة الرجال
قهر الرجال..
للى بيقولوا علينا اننـا حبة عيال..
احنــا مش حبة عيال.
احنا شوفنا النيل بينشف فى البيوت
واما يجرى...

يتفرش حمام سباحة فى قصر باشا

مستكترين فيا الغضب..
مانا كنت غرقان فى البشاشه
كنت راضى ببوق مايه واقول دى هنا
كنت ببكى فى القصايد.. كنت بشتم فى القصايد..
تتقطع إيدى أما قولت حبيبتى ماتت
للى مش فهمين نزولنا فى الشوارع..
احنا بندور على الحلم اللى ضايع..
احنا جرينا النفق فى عروق عيالنــا
يكبروا فاهمين حاجات مافهمنهاش..
اقبل انى اعيش عشان حلم وقضيه
بس ماقبلشى انى عمرى يضيع بلاش
مااحنا سيبنلكوا البلد مانصفتوهاش
ماتلوموش على اللى اتعجبن فى المعجنه واللى اتظلم
واذا كنتوا فاكرينا غنمـ.. على حظكم أنا جِدْى فاق
فاكرين زمان حذرتكم
مستنى ايه من طفل رَبُّوه بالزعاق
لَذَا كنتوا فاكرينا غنم
على رزقكم أنا جِدْى فاق
أرزاق..
للى مش فاهمين نزولنا فى الشورع..
لحكومة عودتنا على الشوارع
بيتتنا فى الشوارع
نيمتنا فى الشوارع
الحكومة قفلت على نفسها كل البيبان
خوفتنا من البيبان..
فاترمينا كلنا فى حضن الشوارع
اكتر مكان لقيناه امان..
للى خايفين على البلد لحسن تموت
ماتخافووووش الموت سكوت..
واحنا مش فى الخطه اصلا ان بكرة يكون سكوت..
احنا شايلين حملنا ومكملين..
بكرة بيشاور علينا واحنا مش مستعجلين
مااحنا لينا كام سنه متكتفين
صابحين فى طين.. نايمين فى طين
احنا بنأسس بلد تسمع شكاوى المظلومين
نشتغل نلقى عرقنا لينا
مش فى جيب النصابين
نشتكى نلقى اللى يسمع شكوة الناس الغلابه الطيبين
احنا بنشكل بلد لا هي خايفة من صوت الأذان ولا خايفة من إن الكنائس تتبنى
إحنا بنشكل وطن عافيان غنى
مش وطن يخدم 15 نفر ويبات جعان
احنا مش عاوزين وطن مزلول مهان
"المصرى مش لايقة عليه كلمة مهان"
يقولك احنا عملنا فوضى
احنا بردوا عملنا فوضى !!
احنا كنا بنتجلد ونعيش ونرضى
واحنا كنا بنتسرق ونعيش ونرضى
كانت الأسعار بتغلى وكنت برضى
والشرطة بتفتشنى عادى
فى أى وقت فى أى حته وبدون مناسبة
وكنت برضى
والانتخاب من سن كام لسن كام "معرفشى ليه"
وكنت برضى
جاى النهردة تقولى احنا عملنا فوضى
طب فوضى فوضى

لسماع ومشاهدة القصيدة ارجو الدخول هنا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :