كتبت – أماني موسى
استنكر الإعلامي عمرو أديب سرقة 12 ألف غطاء بلاعة مجاري في 3 شهور، قائلاً: حاجة غريبة جدًا.. تقريبًا إحنا الشعب الوحيد اللي بيعمل هذا النوع من السرقات.
وأضاف في برنامجه "الحكاية" المقدم عبر شاشة MBC، 3 شهور اتسرق فيهم غطيان البلاعات، ودول بيكلفوا الدولة 25 مليون جنيه، وهذا العمل إجرامي وخطر، لأن الناس بتسقط في البلاعات وتموت في الحال، انتهى.
وتساءل: إيه الفكرة في سرقة غطيان البلاعات، وتأتي القاهرة في المركز الأول حيت يتم سرقة 1787 بلاعة، ثم الإسكندرية ويليها الجيزة.
من جانبها قالت البرلمانية أنيسة حسون، دي حاجة مفزعة للأسر والأهالي، وبتتكرر، حيث يسقط الناس في البلاعات ويموت في الحال.
إزاي مفيش مسؤولية للمحليات ووزارة الإسكان، دي مسؤوليتهم، يركبوا جنبها حاجات تصفر أو تنور لكن إن الناس تحط رجلها غلط تلاقي حياتها أنتهت؟؟؟ مين هيعوضهم؟ دة إهمال والإهمال يجب أن يجازى، ولا تقل نصيبه، ومكانش قصدهم، مين يتحمبل مسؤولية موت أطفال وشباب وكبار في بلاعات؟!
