نشر "اليوتيوبر" الشهير أحمد حسن، الاثنين فيديو جديدا بعنوان "حرام عليكم كفاية انتقادات بقى"، تجاوزت مدته الـ32 دقيقة، ليرد خلاله وزوجته زينب على الانتقادات التي تعرضا لها خلال الساعات الماضية، بعد أن أعلنا رسميًا اعتذارهما عن الفيديوهات والصور التي قاما بنشرها خلال الفترة الماضية، وأيضا اعتزالهما نشر فيديوهات جديدة، وذلك على خلفية قيام عدد من المحامين بتقديم بلاغات ضدهما للنائب العام، بسبب سوء معاملة طفلتهما ونشر فيديوهات غير لائقة وقاسية لها عبر مواقع التواصل الاجتماعي.
بدأ الفيديو بلقطات قديمة من حفل خطوبتهما ثم حفل زفافهما ويوم ولادة ابنتهما، وكذا مشاهد من قنوات مختلفة تتحدث عنهما وصولا بظهورهما من غرفتهما بالفندق يتحدثان عن سبب نشر هذا الفيديو الجديد.
وخلال الفيديو رد أحمد حسن وزينب على جميع الانتقادات التي تعرضا لها منذ بداية أزمتهما حتى الاَن:
- أنا وزينب مش عارفين ننام وعمالين نفكر في اللي حصل فينا من أول ما بدأنا.
زينب: بعد ما قعدنا نفكر لاقينا إن الفكرة مش فكرة محتوى فكرة الناس بينتقدونا إحنا كأشخاص.
أحمد حسن: الناس مش عاجبهم إن إحنا اللي نعمل ده.
أحمد حسن: سايبين كل حاجة بتحصل وكل حاجة المفروض تتكلموا فيها ومفيش غير أحمد حسن وزينب عملوا إيه وراحوا فين ليه كل ده؟
-أنا وزينب اتجوزنا 3 مرات.. مرة في شهر أكتوبر، ثم فرح على الضيق في شهر نوفمبر، وفرح في شهر 12، وهذا ما تم تصويره، وزينب أنجبت في نهاية شهر 7، وابنتنا لم تأتِ بعد ستة أشهر، وكل ما يتم ترويجه في هذا الصدد كذب وافتراء.
- أحمد: لا أكسب 30 ألف دولار، وأقصى ما ربحته من اليوتيوب شهريا كان 2000 دولار فقط.
- زينب: كل ده عشان واحد بيلاعب بنته وخدناها ونزلنا نطعمها في الصحة ونطلع شهادة ليها زي أي اتنين مش بنعذبها يعني اللي يزعّل أنهم بيتكلموا في حاجة مش مستاهلة الضجة دي.
- أحمد: أقسم بالله إحنا فيه قنوات كتير كلمتنا عشان نطلع ونرد على كمية الانتقادات ونتكلم ولكننا رفضنا.
- أحمد حسن: هناك عروض لنا من قنوات أجنبية وفرنسية وعربية ومصرية.
