كتبت – أماني موسى
قال الرئيس عبد الفتاح السيسي، أن مسجد سيدي أبو الهوا، يعيق الحركة لأنه بمنتصف الطريق، ويعيق إتمام محور المحمودية.
وأضاف خلال كلمته في افتتاح مشروع ١٣٠٠ من الصوب الزراعية على مساحة ١٠ آلاف فدان، أن إزالة مسجد "سيدي أبو الهوا" من أجل المصلحة العامة لأهالي محافظات الإسكندرية ومطروح والبحيرة.
مستطردًا، طيب يا جماعة ياللي بتسمعوني، إحنا بنتكلم على مصلحة عامة، والنبي محمد ميرضاش بكدة، أن يتوقف الطريق والكوبري، إحنا قولنا شوفوا مكان جديد وإحنا هنعمل لكوا مسجد طبق الأصل وأحسن.
وشدد الرئيس، المساجد والكنائس لا تبنى على أرض حرام، تبنى على أرض مخصصة والدولة موافقة عليها، واللي ميعملش كدة يبقى بيعمل حاجة غلط من منظور ديني، فلا يجوز وضع اليد على الأرض ويوقلك أصل إحنا بنبني جامع، ربنا ميقبلش بكدة وإن الجامع بتاعه يتبني كدة، ربنا يقبل أن الجامع بتاعه يتبني على أغلى أرض، بالفلوس، أراضي تتخصص ويتم شراءها، لكن ناخد أراضي ونقول أصل دة مسجد نصلي فيه.
وشدد محدش يتعرض للدولة في مصلحة الناس، والموضوع دة ينتهي في خلال يومين.
