كتبت – أماني موسى
قال الرئيس عبد الفتاح السيسي، في كلمته أثناء افتتاح مشروع الصوب الزراعية الجديد، أن حجم المزارع بمنطقة كينج مريوط كبيرة ولم تتحصل الدولة على مستحقاتها... ليه مش عارف، لأن الدولة مش موجودة، فين اللي بياخد الفلوس؟
وتابع، طب القائمين على هذا الأمر ساكتين ليه؟ لا ، يا إيهاب هتنزلوا أمتى في كينح مريوط بالكراكات.
وشدد الرئيس، إحنا مش هنعمل مزارع سمك في البحيرات، وبحيرات مصر هترجع زي الأول، ومياه البحيرات هترجع نضيفة جدًا زي 200 سنة فاتوا.
واستطرد، ما يحدث حالة هدر للدولة وهدر للالتزام والانضباط بالدولة، تبقى دولة رخوة مفيش سيطرة أي حد عايز يعمل أي حاجة يعملها أو أي حد عايز ياخد حاجة ياخدها، الله أمال إحنا قاعدين بنعمل إيه؟
وشدد بقوله، "والله العظيم أنا ما أسيب لابني جنيه، ولا لنفسي حتى، أصل كدة هبقى باخد الحرام، واللي بيتاخد دة حرام، وتروح تحج وتعمل عمرة وأنت بتاخد مال مش بتاعك".
وأكد الرئيس لا مجال للفوضى والإهمال ولست ضد أحد.
