- مفيش محافظ يسيب متر أرض لحد.
كتبت – أماني موسى
أكد الرئيس عبد الفتاح السيسي أنه لن يتم تقنين الأراضي المتعدي عليها في منطقة كينج مريوط دون العرض عليه، قائلاً: سيادة المحافظ وكل المعنين بالدولة في موضوع تقنين الأراضي اللي اتاخدت من كينج مريوط متتعملش إلا لما تتعرض عليَّ.
وأضاف في كلمته في مشروع افتتاح الصوب الزراعية، أنا هرجع بحيرات مصر تاني زي ما كانت، والناس اللي بقالها وضع موجود هناك هيتعرض عليا الموضوع ولا يقنن الوضع في هذه الأراضي المتعدى عليها بكينج مريوط إلا بعد العرض عليا، ثم يتم عمل المحور الموازي لـ 26 يوليو لقطع الحد الخلفي لكينج مريوط.
وشدد الفلوس هاخدها كاش واللي معهوش ميلزموش، أنا مش هعمل محور يكلفني 3 مليار جنيه، وأنت تاخد أرض مش ملكك، الكلام دة انتهى، والمفروض مفيش محافظ يسيب متر أرض لحد.
وأختتم والله أنا مش ضد حد، كل الناس بمصر أهلي وحبايبي وإخواتي، لكن أنا ضد الفساد والفوضى والإهمال، والسرقة حاجة مترضيش ربنا، يبقى إحنا قاعدين بنعمل إيه؟
