الراسل: هاني ابن المسيح
الناس بتردد كلام في كلام في كلام... بس مش مُدركة لفحوى الكلام.
بيقولوا إننا اتحكمنا حكم عسكري لمدة 60 سنة بجد والله؟ حقيقي؟ والنبي؟
يعني احنا كان عندنا عبد الناصر أو السادات أو مبارك بيحكمونا بالبدلة العسكرية، زي بتوع الدول اليسارية أو أمريكا اللاتينية زمان أو بعض الدول الأفريقية دلوقتي؟
... يعني، كانت أحكام الإعدام بتتنفذ، رميًا بالرصاص، بعد ما يصفوا الجُناة في طابور؟
يعني، كان عندنا الجيش هو اللي متحكم في مصيرنا.. مش رجال الأعمال ولا أبن الريس؟
انتو ما جربتوش الحكم العسكري من أصله... بس واحد قال كلمة.. والكل جري وراه.
ومصر.. مش حتتحكم عسكري أبدًا في هذا الصدد.. "إلا لو حصلت حركة غلط".. والحكم مش حيكون عسكري للأبد.
الجيش لو نزل بتقله في الشارع، حيلم أي حد.. بس هو مش عايز كده.. ومتحمل الشتايم من ناس كثير، لو حد قالهم "بم".. حيشتموه بأبوه وأمه.. بمعنى آخر، الجيش الديكتاتوري في الأصل، أكثر ديمقراطية من الناس اللي بتشتمه!!
بس اللي ما يعرفش،.. يقول عدس!
وصبرني يا رب!
دائمًا مصر أولًا!

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :